ଲକ୍ଷ୍ନୌ: ଜାତୀୟ ରାଜଧାନୀ ଦିଲ୍ଲୀ ପରେ ଏବେ ଉତ୍ତର ପ୍ରଦେଶରେ ତୀବ୍ର ଗତିରେ ବଢିବାରେ ଲାଗିଛି ବାୟୁ ପ୍ରଦୂଷଣ । ଏହାକୁ ନିୟନ୍ତ୍ରଣ କରିବା ପାଇଁ ଉଦ୍ୟମ ଆରମ୍ଭ କରିଛନ୍ତି ୟୁପି ସରକାର । ରାଜ୍ୟର ଯେଉଁ ସହରରେ ପ୍ରଦୂଷଣର ମାତ୍ରା ବଢିବାରେ ଲାଗିଛି, ସେଠାରେ ଯୁଗ୍ମ-ଅଯୁଗ୍ମ ଫର୍ମୁଲା ଲାଗୁ କରିବାକୁ ବିଚାରବିମର୍ଶ କରାଯାଉଛି । ଆସନ୍ତା 2-3 ଦିନ ମଧ୍ୟରେ ଏହା ଲାଗୁ କରାଯିବ ବୋଲି ଉତ୍ତର ପ୍ରଦେଶର ପରିବେଶ ମନ୍ତ୍ରୀ ଦାରା ସିଂହ ଚୌହାନ କହିଛନ୍ତି।
ଦୀପାବଳୀ ପରଠୁ ୟୁପିର କେତେକ ସହରରେ ବାୟୁ ପ୍ରଦୂଷଣ ବଢିବାରେ ଲାଗିଛି । ଦିଲ୍ଲୀରେ ସୃଷ୍ଟି ହୋଇଥିବା ପରିସ୍ଥିତିରୁ ରାଜ୍ୟକୁ ରକ୍ଷା କରିବା ପାଇଁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଅଧ୍ୟକ୍ଷତାରେ ଏକ ଉଚ୍ଚସ୍ତରୀୟ ବୈଠକ ବସିଥିଲା । ରାଜ୍ୟରେ ଯୁଗ୍ମ-ଅଯୁଗ୍ମ ଫର୍ମୁଲା ଲାଗୁ କରିବାକୁ ସରକାର ଏ ବୈଠକରେ ନିଷ୍ପତ୍ତି ନେଇଥିବା ୟୁପିର ପରିବେଶ କହିଛନ୍ତି । ଅନିୟନ୍ତ୍ରିତ ଭାବେ ବଢୁଥିବା ପ୍ରଦୂଷଣକୁ ଦୃଷ୍ଟିରେ ରଖି ଦିଲ୍ଲୀ ସରକାର ସୋମବାରଠୁ ଯୁଗ୍ମ-ଅଯୁଗ୍ମ ଫର୍ମୁଲା ଲାଗୁ କରିଛନ୍ତି । ଯାହା ଆସନ୍ତା ୧୫ ତାରିଖ ଯାଏଁ ଲାଗୁ ହେବ।
