ନୂଆଦିଲ୍ଲୀ: ଉତ୍ତର-ପୂର୍ବ ଦିଲ୍ଲୀରେ ଫେବୃଆରୀ 24 ଓ 25ରେ ହୋଇଥିବା ହିଂସାରେ ଦିଲ୍ଲୀ ପୋଲିସ ଗିରଫ ଜାରି ରଖିଛି । ହିଂସାରେ ଜଡିତ ମୋଟ 1647 ଲୋକଙ୍କୁ ଗିରଫ କରିଥିଲା ବେଳେ ମୋଷ୍ଟ ୱାଣ୍ଟେଡ୍ ତାହିର ହୁସେନ ଏବେବି ଫେରାର ଅଛି ।
ଦିଲ୍ଲୀ ପୋଲିସ ମୁଖ୍ୟାଳୟ ଦ୍ବାରା ବୁଧବାର ବିଳମ୍ବିତ ରାତିରେ ଏହି ବୟାନ ଜାରି କରାଯାଇଛି । ବୟାନ ମୁତାବିକ, ହିଂସାକୁ ନେଇ ବିଭିନ୍ନ ପୋଲିସ ଷ୍ଟେସନରେ ମୋଟ 531 ମାମଲା ରୁଜୁ କରାଯାଇଛି । ସେଥିମଧ୍ୟରୁ ଆର୍ମ ଆକ୍ଟରେ 47ଟି ମାମଲା ରୁଜୁ କରାଯାଇଛି ।
ଅନ୍ୟପକ୍ଷେ ଗୁଳ ଚଳାଇଥିବା ଶାହାରୁଖକୁ ମଙ୍ଗଳବାର ଉତ୍ତରପ୍ରଦେଶରୁ ଗିରଫ କରାଯାଇଥିବା ବେଳେ ତାହିର ହୁସେନକୁ ଖୋଜୁଛି ପୋଲିସ । ଏହାସହ କଂଗ୍ରେସ ନେତା ରାହୁଲ ଗାନ୍ଧୀଙ୍କ ନେତୃତ୍ବରେ ଏକ ପ୍ରତିନିଧିମଣ୍ଡଳ ବୁଧବାର ରାଜଧାନୀ ଦିଲ୍ଲୀରେ ହିଂସା ପ୍ରଭାବିତ ଅଞ୍ଚଳକୁ ଗସ୍ତ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
