ଇଟାୱା: ମୃତ ପୋଷା କୁକୁର ଫଟୋ ପାଇଁ ଲୁଟେରାକୁ ଚିଠି ଲେଖିଲେ ମାଲିକ । ଏକଥା ଆପଣଙ୍କୁ ଟିକିଏ ଅଡୁଆ ନିଶ୍ଚୟ ଲାଗୁଥିବ । ହେଲେ କଥାଟି ସମ୍ପୂର୍ଣ୍ଣ ସତ । କାନାଡାରେ ଦେଖିବାକୁ ମିଳିଛି ଏହି ଘଟଣା ।
କାନାଡର ଜଣେ ବ୍ୟକ୍ତିଙ୍କ କ୍ୟାମେରା କିଛି ଦିନ ତଳେ ଚୋରି ହୋଇଯାଇଥିଲା । କ୍ୟାମେରାରେ ଥିଲା ପ୍ରିୟ ପୋଷା କୁକୁରର ଶେଷ ଫଟୋ । କିନ୍ତୁ ସେ କ୍ୟାମେରାଟି ଚୋରି ହୋଇଯାଇଥିଲା । ଆଉ ମାଲିକଙ୍କୁ ମିଳିନଥିଲା ।
ଶେଷରେ ସେ ଆଉ କିଛି ଉପାୟ ନପାଇ ରାସ୍ତାରେ ପୋଷ୍ଟର ଲଗାଇଥିଲେ । ଯେଉଁଥିରେ ଲେଖାଥିଲା, ଯିଏ ବି ମୋ ଘରେ ପଶି ଚୋରି କରିଛି ସେ ଟଙ୍କା ସହ ଅନ୍ୟ ଜିନିଷ ଯାହା ରଖିବା କଥା ରଖ । କିନ୍ତୁ କ୍ୟାମେରାର ମେମୋରି କାର୍ଡ ଫେରାଇ ଦିଅ । କାହିଁନା ମୋ ପୋଷା କୁକୁରକୁ ମୁଁ କିଛି ଦିନ ତଳୁ ହରାଇ ସାରିଛି । କିନ୍ତୁ ତାର ଶେଷ ଦିନର ଫଟୋ ହରାଇବା ପାଇଁ ଚାହୁଁ ନାହିଁ । ବର୍ତ୍ତମାନ ଏହି ଘଟଣା ଏବଂ ରାସ୍ତାରେ ଲାଗିଥିବା ଏହି ପୋଷ୍ଟର ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
