ହାଇଦ୍ରାବାଦ: ରବିବାର ସାରା ବିଶ୍ବ ଆଲୋକର ପର୍ବକୁ ବଡ ଧୁମଧାମରେ ପାଳନ କରିଥିବାବେଳେ ଟିଏସଆରଟିସିର 48 ହଜାର କର୍ମଚାରୀଙ୍କ ଘର ଅନ୍ଧର । ଛଅ ସପ୍ତାହ ଧରି ଚାଲିଥିବା ଦାବି ପୂରଣ ଆନ୍ଦୋଳନରେ ବିନା ଚାକିରୀ ଓ ବିନା ଦରମାରେ ଏହି କର୍ମଚାରୀଙ୍କ ପରିବାରଙ୍କ ଦିନ କଟୁଛି । ସରକାର ଓ କର୍ମୀଙ୍କ ଆନ୍ଦୋଳନ ଯୋଗୁଁ ଗତ ସେପ୍ଟମ୍ବରରୁ ବିରୋଜଗାର ହୋଇ ରହିଛନ୍ତି ହଜାର ହଜାର ଟିଏସଆରଟିସି କର୍ମଚାରୀ । ନା କାହା ଘରେ ଦୀପାବଳିକୁ ନେଇ କିଛି ପ୍ରସ୍ତୁତି ଥିଲା ନା, ମୁହଁରେ ହସ । ସମସ୍ତଙ୍କର ଏହି ଗୋଟିଏ ଚିନ୍ତା । କେବେ ଏସବୁର ସମାଧାନ ହେବ ।
ଏହାରି ଭିତରେ ଜଣେ ମହିଳା କଣ୍ଡକ୍ଟର ଦୀପାବଳି ପୂର୍ବରୁ ଗଣମାଧ୍ୟମକୁ କହିଥିଲେ, ସମସ୍ତେ ଦୀପାବଳିର ଖୁସି ମନାଉ ଥିବାବେଳେ ଆମକୁ ଲାଗୁନି, ଆମେ ଏଥର ନୂଆ ଡ୍ରେସ କି ବାଣ କିଛି କିଣି ପାରିବୁ । ମୁଖ୍ୟମନ୍ତ୍ରୀ କେସିଆର ଆମକୁ ଚଳିତମାସ ଦରମା ମିଳିନାହିଁ । ଏମିତିକି ସ୍କୁଲରେ ଫିସ ଦେଇ ନପାରିବା କାରଣରୁ ପିଲାମାନଙ୍କ ପରୀକ୍ଷା ଦେଇ ପାରିବା ନେଇ ମଧ୍ୟ ଆଶଙ୍କା ସୃଷ୍ଟି ହୋଇଛି ।
ଟିଏସଆରଟିସି ପକ୍ଷରୁ 26 ଦଫା ଦାବି ନେଇ 48 ହଜାର କର୍ମଚାରୀ 6 ସପ୍ତାହ ଧରି ଆନ୍ଦୋଳନରେ ବସିଛନ୍ତି । ଅନ୍ୟପଟେ ଆନ୍ଦୋଳନ ଯୋଗୁଁ କେସିଆର ସରକାରଙ୍କ ପକ୍ଷରୁ ସବୁ କର୍ମଚାରୀଙ୍କୁ ଛଟେଇ କରାଯାଇଛି । ତେଲେଙ୍ଗାନା ସରକାରଙ୍କ କହିବା କଥା, ଏବେ ଟ୍ରାନ୍ସପୋର୍ଟ ବିଭାଗରେ ମାନ୍ଦାବସ୍ଥା କାରଣରୁ ଏଥିରୁ 12 ଶହ କୋଟିର କ୍ଷତି ହୋଇଛି । ଆଉ ଏହି ସମୟରେ ଟିଏସଆରଟିସି କର୍ମଚାରୀମାନେ ସରକାରଙ୍କୁ ସହଯୋଗ କରିବା ପରିବର୍ତ୍ତେ ଆନ୍ଦୋଳକ କରିବା କାରଣରୁ ତାଙ୍କୁ ଛଟେଇ କରାଯାଇଛି ।
ଅନ୍ୟପଟେ ଚାକିରୀ ହରାଇ ଅନେକ କର୍ମଚାରୀ ଆତ୍ମହତ୍ୟା ପାଇଁ ମଧ୍ୟ ଉଦ୍ୟମ କରିଥିବା ଖବର ଆସିଛି । ମାତ୍ର କିଛିର ଫରକ ପଡୁନି । ଗତ ସେପ୍ଟମ୍ବରରୁ ଦରମା ପାଇ ନଥିବା କର୍ମଚାରୀଙ୍କ ଘରେ ଠିକରେ ଚୁଲି ଜଳୁନି । ଏହାର ସମାଧାନ ପାଇଁ ଗତ ଶନିବାର ସମାଧାନ ନେଇ ବୈଠକ ହୋଇଥିଲା । ମାତ୍ର ଏଥିରୁ କିଛି ନିଷ୍କର୍ସ ବାହାରି ପାରିନି । ଦେଖାଯାଉ କେବେ ଏହି କର୍ମଚାରୀଙ୍କ ଦାବି ପୂରଣ ହେଉଛି । ପରିସ୍ଥିତି ସ୍ବାଭାବିକ ହେଉଛି ।
