ଭୋପାଳ: ଗତ 24 ଘଣ୍ଟାରେ ମଧ୍ୟପ୍ରଦେଶ ସରକାର କିଛି ମାତ୍ରାରେ ଆଶ୍ବସ୍ତି ହୋଇଛନ୍ତି । ପ୍ରତିଦିନ ଲଗାତାର କୋରୋନାଜନିତ ମୃତ୍ୟୁ ଖବର ସାମନାକୁ ଆସୁଥିଲା । ହେଲେ ଶନିବାର ଏହି ସଂଖ୍ୟା ଶୂନ ରହିଛି ।
ରାଜ୍ୟ ସ୍ବାସ୍ଥ୍ୟ ବିଭାଗ ଟ୍ବିଟ କରି ଏହି ସୂଚନା ଦେଇଛି । 24 ଘଣ୍ଟାରେ ମୃତ୍ୟୁ ସଂଖ୍ୟା ଶୂନ ରହିବା ସହ କୌଣସି ଜିଲ୍ଲାରେ ଗୋଟିଏ ବି ମୃତ୍ୟୁ ହୋଇଥିବାର ରିପୋର୍ଟ ଆସିନାହିଁ । ସେହିପରି 24 ଘଣ୍ଟାରେ 59 ଜଣ ଚିକିତ୍ସା ପରେ ସୁସ୍ଥ ହୋଇଛନ୍ତି । ଶେଷ ରିପୋର୍ଟ ନେଗେଟିଭ ଆସିବା ପରେ ସେମାନଙ୍କୁ ହସ୍ପିଟାଲରୁ ଡିସଚାର୍ଜ କରାଯାଇଥିବା ସୂଚନା ରହିଛି ।
ସେହିପରି ଏବେ ସୁଦ୍ଧା ମଧ୍ୟପ୍ରଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା 1402 ରହିଛି । ଏଥିରୁ 69 ଜଣଙ୍କର ମୃତ୍ୟୁ ହୋଇଥିବାବେଳେ 127 ଜଣ ସୁସ୍ଥ ହୋଇଛନ୍ତି । ଭୋପାଳରେ ପରିସ୍ଥିତି ଅଧିକ ସଙ୍କଟଜନକ ରହିଛି । ଅନେକ ଜାଗା ହଟସ୍ପଟ ଭାବେ ଚିହ୍ନଟ ହୋଇଛି । ଏସମସ୍ତ ଜାଗା ସିଲ ହେବା ସହ ସରକାର କର୍ଫ୍ୟୁ ଘୋଷଣା କରିଛନ୍ତି ।
ସୌଜନ୍ୟ@ANI
