ପାଟନା: ବିହାର ବିଧାନସଭା ନିର୍ବାଚନ ପ୍ରଥମ ପର୍ଯ୍ୟାୟର ନିର୍ବାଚନ ଅନୁଷ୍ଠିତ ହେବ । ବର୍ତ୍ତମାନ ବିହାର ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟରେ କିଛି ଦିନ ବାକି ଅଛି। ଏଭଳି ପରିସ୍ଥିତିରେ ସମସ୍ତ ଦଳ ନିଜର ସମ୍ପୂର୍ଣ୍ଣ ଶକ୍ତି ଖଟାଇଛନ୍ତି।
ଦିଂବଗତ ନେତା ରାମବିଳାଶ ପାଶୱାନଙ୍କ ଏକାଦଶାହ ଭୋଜିରେ ବିହାର ମୁଖ୍ୟମନ୍ତ୍ରୀ ନିତୀଶ କୁମାର ଏବଂ ତେଜସ୍ବୀ ଯାଦବ ଯୋଗ ଦେଇଛନ୍ତି । ଏହି ସମୟରେ ନୀତୀଶ, ତେଜସ୍ବୀ ଏବଂ ଚିରାଗଙ୍କୁ ଏକାଠି ଦେଖିବାକୁ ମିଳିଛି | କ୍ୟାମେରାରେ କଏଦ ହୋଇଥିବା ଦୃଶ୍ୟ ଅନୁଯାୟୀ ଚିରାଗଙ୍କ ଅଙ୍ଗଭଙ୍ଗୀ ନିତୀଶଙ୍କ ପ୍ରତି ଏତେ ଭଲ ନଥିଲା | କିନ୍ତୁ ଚିରାଗ ଏବଂ ତେଜସ୍ବୀ ପରସ୍ପର ସହିତ ବହୁତ ସହଜ ମନେ କରୁଥିବା ଦେଖିବାକୁ ମିଳିଛି| ସୂଚନା ଥାଉକି ବିହାର ନିର୍ବାଚନରେ ଆରଜେଡି , ଏଲଜେପି, ଜେଡିୟୁ ତିନି ଦଳ ପରସ୍ପର ଭାବରେ ଅଲଗା ଅଲଗା ମେଣ୍ଟରେ ରହିଛନ୍ତି ।
ତେଜସ୍ବୀ ଯାଦବ ନିକଟରେ କହିଛନ୍ତି ଚିରାଗ ପାଶୱାନଙ୍କୁ ଏନଡିଏରେ ଭଲ ବ୍ୟବହାର କରାଯାଉ ନାହିଁ। ଅନ୍ୟପକ୍ଷରେ ଚିରାଗ ନିଜେ ତେଜସ୍ବୀଙ୍କୁ ତାଙ୍କ ସାନ ଭାଇ ବୋଲି କହିଛନ୍ତି। ଉଭୟ ଯୁବନେତା ମୁଖ୍ୟମନ୍ତ୍ରୀ ନିତୀଶ କୁମାରଙ୍କୁ ଟାର୍ଗେଟ କରୁଛନ୍ତି। ମୁଖ୍ୟମନ୍ତ୍ରୀ ନୀତିଶ କୁମାର ରାମବିଲାସ ପାଶୱାନ ଅସୁସ୍ଥ ଥିବାବେଳେ ଚିରାଗ ପାଶୱାନଙ୍କୁ ଫୋନ କରିଥିଲେ । କିନ୍ତୁ ଚିରାଗ ତାଙ୍କ ଫୋନ ଉଠାଇ ନଥିଲେ ବୋଲି ନିତୀଶ କହିଥିଲେ । ସ୍ବର୍ଗତ ରାମବିଳାସ ପାଶୱାନଙ୍କ ମୃତଦେହ ପାଟନାରେ ପହଞ୍ଚିବା ପରେ ନୀତୀଶ ବିମାନବନ୍ଦରରେ ଉପସ୍ଥିତ ଥିଲେ। ନିତୀଶ ଅଭିବାଦନ ଜଣାଇଥିଲେ, କିନ୍ତୁ ଚିରାଗକୁ କୌଣସି ସହାନୁଭୂତି ପ୍ରଦର୍ଶନ କରିନଥିଲେ । ବର୍ତ୍ତମାନ ନିତୀଶ ଏବଂ ଚିରାଗଙ୍କ ମଧ୍ୟରେ ରାଜନୈତିକ ଶତ୍ରୁତା ବୃଦ୍ଧି ପାଇଛି । ରାଜ୍ୟର ପରିସ୍ଥିତିକୁ ନେଇ ପରସ୍ପର ପ୍ରତି ଆକ୍ଷେପ ପ୍ରତି ଆକ୍ଷେପ କରୁଛନ୍ତି ।
ବ୍ୟୁରୋ ରିପୋର୍ଟ,ଇଟିଭି ଭାରତ
