ହାଇଦ୍ରାବାଦ: ଚଳିତବର୍ଷ ଶେଷ ସୁଦ୍ଧା ନିରାଶ ହେବେ ଅନେକ ଗୁଗୁଲ ପ୍ଲେ ମ୍ୟୁଜିକ ୟୁଜର୍ସ । ଏହି ସର୍ଭିସ ଖୁବ ଶୀଘ୍ର ବନ୍ଦ ହେବାକୁ ଥିବା ବେଳେ ଗୁଗୁଲ ଆଣିଛି ଏହାର ବିକଳ୍ପ । ଏବେଠାରୁ ୟୁଜର୍ସଙ୍କ ନିଜ ଡାଟା, ମ୍ୟୁଜିକ ଲାଇବ୍ରେରୀ ଓ ପ୍ରେଫରେନ୍ସ ଲିଷ୍ଟ ଆଗାମୀ ବିକଳ୍ପ ‘ୟୁଟ୍ୟୁବ୍ ମ୍ୟୁଜିକ’କୁ ଟ୍ରାନ୍ସଫର କରିବା ପାଇଁ କମ୍ପାନୀ ନୋଟିସ ଦେବା ଆରମ୍ଭ କରିଛି । ତେବେ ଗୁଗୁଲ ପ୍ଲେ ମ୍ୟୁଜିକ ବନ୍ଦ ହେବାକୁ କିଛି ସମୟ ବାକି ଥିବା ବେଳେ ଏଥିରୁ ବାହାରୁ ୟୁଟ୍ୟୁବ ମ୍ୟୁଜିକ ସହ ଖାପ ଖୁଆଇବା ପାଇଁ ୟୁଜର୍ସଙ୍କୁ ସମୟ ଦେଇଛି ଗୁଗୁଲ ।
କମ୍ପାନୀର କହିବା ଅନୁଯାୟୀ ଖୁବ ଶୀଘ୍ର ସମସ୍ତ ୟୁଜର୍ସଙ୍କୁ ଏକ ଅଫିସିଆଲ ମେଲ ପଠାଯିବ । ଏଥିରେ ୟୁଜର୍ସମାନଙ୍କୁ ନିଜ ଡାଟା, ମ୍ୟୁଜିକ ଲାଇବ୍ରେରୀ, ଗୁଗୁଲ ପ୍ଲେ ମ୍ୟୁଜିକ ହିଷ୍ଟ୍ରି ଓ ପୋଡକାଷ୍ଟ ଆଦି ୟୁଟ୍ୟୁବ ମ୍ୟୁଜିକକୁ କିପରି ଟ୍ରାନ୍ସଫର କରିବେ ତାହାର ଷ୍ଟେପ୍ସ ଦିଆଯିବ । ଯାହାକୁ ଫଲୋ କରି ୟୁଜର୍ସମାନଙ୍କୁ ଯଥାଶୀଘ୍ର ଟ୍ରାନ୍ସଫର କାମ ସାରିବାକୁ ହେବ । ତେବେ ୟୁଜର୍ସଙ୍କୁ ଏହି ପରିବର୍ତ୍ତନ ପ୍ରତି ଆକର୍ଷିତ କରିବା ପାଇଁ ୟୁଟ୍ୟୁବ ମ୍ୟୁଜିକ ପ୍ରାୟ 50 ମିଲିୟନ ଅଫିସିଆଲ ଟ୍ରାକ, ଆଲବମ ଓ ହାଇ କ୍ବାଲିଟି ଅଡିଓ ସହିତ ଡିପ୍ କଟ୍, ବି-ସାଇଡ୍ସ, ଲାଇଭ ପରଫର୍ମାନ୍ସ ଓ ରିମିକ୍ସର କଲେକ୍ସନ ଯୋଗାଇବାର ସୂଚନା ରହିଛି ।
ତେବେ ଗୁଗୁଲ ପ୍ଲେ ମ୍ୟୁଜିକରେ ପ୍ଲେ ଲିଷ୍ଟ କ୍ଷମତା 1000 ରହୁଥିବା ବେଳେ ନୂଆ ୟୁଟ୍ୟୁବ ମ୍ୟୁଜିକରେ ଏହି କ୍ଷମତା 5000 ରହିବ । ସେପଟେ ଡାଟା ଟ୍ରାନ୍ସଫର ପରେ ୟୁଜର୍ସ ଏଥିରେ 1ଲକ୍ଷ ପର୍ଯ୍ୟନ୍ତ ଗୀତକୁ ମ୍ୟୁଜିକ ଲାଇବ୍ରେରୀରେ ରଖିପାରିବେ । ଯାହାକି ଗୁଗୁଲ ପ୍ଲେ ମ୍ୟୁଜିକ କ୍ଷେତ୍ରରେ ମାତ୍ର 50 ହଜାର ରହିଥିଲା । ତେବେ ଗୁଗୁଲ ପ୍ଲେ ମ୍ୟୁଜିକ ଓ ୟୁଟ୍ୟୁବ ମ୍ୟୁଜିକର ଦାମ ମଧ୍ୟରେ କୌଣସି ତଫାତ ରହିବ ନାହିଁ । ଏଥିସହ ଆଡ୍ ଫ୍ରି ମ୍ୟୁଜିକ ଓ ଅଫଲାଇନ ମ୍ୟୁଜିକର ମଜା ଉଠାଇବା ପାଇଁ ୟୁଜର୍ସ ୟୁଟ୍ୟୁବ ପ୍ରିମିୟମ ମଧ୍ୟ ଡାଉନଲୋଡ କରିପାରିବେ ।
@IANS
