ନୂଆଦିଲ୍ଲୀ: ବାୟୁସେନାକୁ ମିଳିଲା ଅପାଚେ ଆଟାକ ହେଲିକପ୍ଟର । ବିଶ୍ବର ସବୁଠୁ ଆଧୁନିକ ଏବଂ ଶକ୍ତିଶାଳୀ ହେଲିକପ୍ଟର କୁହାଯାଉଥିବା ଆପାଚେ ଆଟାକ ହେଲିକପ୍ଟର ଭାରତକୁ ଯୋଗେଇବା ଆରମ୍ଭ କରିଛି ଆମେରିକା । ଆମେରିକା ସହ 22ଟି ଅପାଚେ ହେଲିକପ୍ଟର ପାଇଁ ଭାରତ ଚୁକ୍ତି କରିଛି ।
ଭାରତୀୟ ବାୟୁସେନାର ଆବଶ୍ୟକୀୟ ମୁତାବକ ଏହି ହେଲିକପ୍ଟରରେ ବହୁ ଉନ୍ନତମାନର ଜ୍ଞାନକୌଶଳରେ ବିକଶିତ । ଅପାଚେ ହେଲିକପ୍ଟର ଦ୍ବାରା ସଠିକ ଆକ୍ରମଣ କରାଯାଇପାରିବ । ଶତ୍ରୁଙ୍କ ଗଡ଼ରେ ପଶି ଧ୍ବଂସଲୀଳା ରଚିବାକୁ ସକ୍ଷମ ଏହି ହେଲିକପ୍ଟର । ଏହା ବାୟୁସେନାରେ ସାମିଲ ହେବା ପରେ ବାୟୁସେନାର ଶକ୍ତି ବୃଦ୍ଧି ପାଇଛି ।
ଏପର୍ଯ୍ୟନ୍ତ ଭାରତୀୟ ବାୟୁସେନା ଋଷ ନିର୍ମିତ ଏମଆଇ-35 ହେଲିକପ୍ଟର ବ୍ୟବହାର କରୁଥିଲା । ତେବେ ଆପାଚେ ଆଟାକ ହେଲିକପ୍ଟର ବାୟୁସେନାର ଅପରେସନରେ ଖୁବ୍ ସହାୟକ ହେବ ।
