ଚଣ୍ଡିଗଡ: ଗତ ରବିବାର ମନ୍ତ୍ରୀମଣ୍ଡଳରୁ ଇସ୍ତଫା ଦେଇଛନ୍ତି ନବଜୋତ ସିଂ ସିଦ୍ଧୁ । ଏନେଇ ସେ ନିଜର ଟ୍ବିଟର ଯୋଗେଁ ଜଣାଇଛନ୍ତି । ସିଦ୍ଧୁଙ୍କ ଇସ୍ତଫା ନାଟକବାଜି ବୋଲି କହିବା ସହ ତାଙ୍କୁ ଏ ପ୍ରସଙ୍ଗରେ ଟାର୍ଗେଟ ପଞ୍ଜାବ ସରକାରଙ୍କ ଦୁଇ ମନ୍ତ୍ରୀ ବ୍ରହ୍ମା ମୋହିନ୍ଦ୍ରା ଏବଂ ଚରଣଜୀତ୍ ଚନ୍ନୀ ।
କେବଳ ଏତିକି ନୁହେଁ ରାଜ୍ୟ ବିଧାନସଭାରେ ବିରୋଧି ଆସନରେ ବସିଥିବା ଶିରୋମଣି ଅକାଳୀ ଦଳ ମଧ୍ୟ ସିଦ୍ଧୁଙ୍କ ଇସ୍ତଫାକୁ ନେଇ ତାଙ୍କୁ ଟାର୍ଗେଟ କରିବା ସହ ଡ୍ରାମା ବୋଲି କହିଛି । ଅନ୍ୟପଟେ ବିଜେପି, ନବଜୋତ ସିଂ ସିଦ୍ଧୁଙ୍କୁ ତୁରନ୍ତ ମନ୍ତ୍ରୀମଣ୍ଡଳରୁ ବହିଷ୍କାର କରିବା ପାଇଁ ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂହଙ୍କୁ ନିବେଦନ କରିଛନ୍ତି ।
ଅନେକ ଦିନ ହେବ ପଞ୍ଜାବ ମୁଖ୍ୟମନ୍ତ୍ରୀଙ୍କ ସହ ସିଦ୍ଧୁଙ୍କ ତିକ୍ତତା ଲାଗି ରହିଛି । ତେବେ ଗତ ଜୁନ 10 ତାରିଖରେ ରାହୁଲଙ୍କୁ ଇସ୍ତଫା ପତ୍ର ପଠାଇ ଦେଇଥିବା ନେଇ ସିଦ୍ଧୁ ଟ୍ବିଟରରେ ଜଣାଇଥିଲେ ।
