ନୂଆଦିଲ୍ଲୀ: ବିହାରର ମୁଜାଫରପୁର ସେଲଟର ହୋମ ମାମଲାରେ 11 ଦୋଷୀଙ୍କୁ ଆଜୀବନ କାରାଦଣ୍ଡ । ଯେଉଁଥିରେ ମୁଖ୍ୟ ଅଭିଯୁକ୍ତ ବ୍ରଜେଶ ଠାକୁର ସମେତ 3 ମହିଳା ସାମିଲ । ଏହାସହ କୋର୍ଟ ବ୍ରଜେଶ ଠାକୁରକୁ 32 ଲକ୍ଷ ଟଙ୍କାର ଜୋରିମାନା ଦେବାକୁ ନିର୍ଦ୍ଦେଶ ଦେଇଛନ୍ତି ।
ଜାନୁଆରୀ 20 ତାରିଖରେ କୋର୍ଟ ମୁଖ୍ୟ ଅଭିଯୁକ୍ତ ବ୍ରଜେଶ ଠାକୁରଙ୍କ ସମେତ 19 ଜଣଙ୍କୁ ଦୋଷୀ ସାବ୍ୟସ୍ତ କରିଥିଲେ। ସେହିପରି ଦିଲ୍ଲୀର ସାକେତ କୋର୍ଟ ଫେବୃଆରୀ 4 ତାରିଖରେ ଦଣ୍ଡାଦେଶ ଉପରେ ଶୁଣାଣି କରି ରାୟ ସଂରକ୍ଷିତ ରଖିଥିଲେ ।
ମୁଖ୍ୟ ଅଭିଯୁକ୍ତ ସମେତ ଅନ୍ୟ 10 ଜଣଙ୍କୁ ଗଣଦୁଷ୍କର୍ମ ମାମଲାରେ ଦୋଷୀ ସାବ୍ୟସ୍ତ ହୋଇଥିବାବେଳେ 9 ଜଣ ମହିଳାଙ୍କୁ ଅପରାଧିକ ଷଡଯନ୍ତ୍ର କରିବା ଲାଗି ଦୋଷୀ ଦର୍ଶାଇଥିଲେ କୋର୍ଟ । ଏହାସହ ଜଣଙ୍କୁ ପ୍ରମାଣ ଅଭାବରୁ ଦୋଷମୁକ୍ତ କରିଥିଲେ କୋର୍ଟ । ଗତବର୍ଷ ଫେବୃଆରୀ 25 ତାରିଖରୁ ଏହାର ଶୁଣାଣି ହୋଇଥିଲା।
ସୌଜନ୍ୟ: @ANI
