ସଡକ ଦୁର୍ଘଟଣାରେ ଅଳ୍ପକେ ବର୍ତ୍ତିଲେ ଗରୱାଲ ସାଂସଦ

ବିଜେପି ସାଂସଦ ତୀର୍ଥ ସିଂ ରାଓ୍ବତ ସଡକ ଦୁର୍ଘଟଣାରେ ଆହତ । ଚିକିତ୍ସା ନିମନ୍ତେ ଋଷିକେଶସ୍ଥିତ ଏମ୍ସରେ ତାଙ୍କୁ ଭର୍ତ୍ତି କରାଯାଇଛି ।

ଡେରାଡୁନ: ପୌରି ଗରଓ୍ବାଲ ବିଜେପି ସାଂସଦ ତୀର୍ଥ ସିଂ ରାଓ୍ବତଙ୍କ ଗାଡି ଦୁର୍ଘଟଣାଗ୍ରସ୍ତ ହୋଇଛି । ସକାଳ ହରିଦ୍ବାରର ଭୀମଗୌଡା ସପ୍ତ ଋଷି ମାର୍ଗରେ ଏହି ଅଘଟଣ ହୋଇଛି । ତେବେ ଏହି ଦୁର୍ଘଟଣାରେ ସାଂସଦ ଆହତ ହୋଇଛନ୍ତି ।

ତେବେ ତାଙ୍କୁ ଚିକିତ୍ସା ନିମନ୍ତେ ଋଷିକେଶ ଏମ୍ସରେ ଭର୍ତ୍ତି କରାଯାଇଛି । ସୂଚନାନୁସାରେ ସେ ଏକ ସ୍କୁଲ କାର୍ଯ୍ୟକ୍ରମରେ ଯୋଗଦେବା ପାଇଁ ଯାଉଥିଲେ ।

ଖବରମୁତାବକ, ସାଂସଦଙ୍କ ଡ୍ରାଇଭର, ଗନର ଓ ପିଆରଓ ମଧ୍ୟ ଆହତ ହୋଇଛନ୍ତି ।