ଭୋପାଳ: ମଧ୍ୟପ୍ରଦେଶରେ ଇସ୍ତଫା ପ୍ରଦାନ କରିଥିବା 6 କଂଗ୍ରେସ ବିଧାୟକଙ୍କ ଇସ୍ତଫା ପତ୍ରକୁ ବାଚସ୍ପତି ନର୍ମଦା ପ୍ରସାଦ ପ୍ରଜାପତି ଗ୍ରହଣ କରିଛନ୍ତି । ପୂର୍ବରୁ କ୍ୟାବିନେଟରୁ ବାହାର କରାଯିବା ପରେ ବିଧାୟକମାନେ ନିଜ ପଦରୁ ଇସ୍ତଫା ଦେଇଥିଲେ ।
ଇସ୍ତଫା ଦେଇଥିବା ବିଧାୟକମାନେ ହେଲେ ଇମୂର୍ତ୍ତୀ ଦେବୀ, ତୁଲସୀ ସିଲାୱାତ, ପ୍ରଦୁମନ ସିଂ ତୋମାର, ମହେନ୍ଦ୍ର ସିଂ ସିସୋଦିଆ, ଗୋବିନ୍ଦ ସିଂ ରାଜପୁତ ଓ ପ୍ରଭୁରାମ ଚୌଧୁରୀ । ସେମାନେ ଜ୍ୟୋତିରାଦିତ୍ୟ ସିନ୍ଧିୟାଙ୍କ କ୍ୟାମ୍ପରେ ରହିଥିବାରୁ କ୍ୟାବିନେଟରୁ ବହିଷ୍କାର କରାଯାଇଥିଲା ।
ସେହିପରି ମଧ୍ୟପ୍ରଦେଶ ମୁଖ୍ୟମନ୍ତ୍ରୀ କମଲନାଥ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ପାଖକୁ ଚିଠି ଲେଖିଛନ୍ତି । ବେଙ୍ଗାଲୁରୁରେ ରହିଥିବା 22 ଜଣ କଂଗ୍ରେସ ବିଧାୟକଙ୍କ ବିଧାୟକ ମାର୍ଚ୍ଚ 16 ରେ ହେବାକୁ ଥିବା ମଧ୍ୟପ୍ରଦେଶ ବିଧାନସଭା ଅଧିବେଶନରେ ବିନା ବାଧାରେ ଯୋଗଦେଇ ପାରିବେ କି ନାହିଁ ତାହା ସ୍ପଷ୍ଟ କରିବାକୁ ସେ ଚିଠିରେ ଉଲ୍ଲେଖ କରିଛନ୍ତି । @ANI
