ନୂଆଦିଲ୍ଲୀ: ଦେଶ ଏବେ କୋରୋନା ସହ ଲଢେଇ କରୁଛି । ମାରାତ୍ମକ ମହାମାରୀ କୋରୋନା କବଳରୁ ଦେଶକୁ ବଞ୍ଚାଇବାକୁ ଆପ୍ରାଣ ଉଦ୍ୟମ କରୁଛନ୍ତି ସରକାର । ରବିବାର ଜନତା କର୍ଫ୍ୟୁ ମାଧ୍ୟମରେ ଲୋକଙ୍କୁ ସଂକ୍ରମଣ ଠାରୁ ଦୂରେଇ ରଖାଯାଉଥିବେଳେ, ଆଗୁଆ ପଦକ୍ଷେପ ଭାବେ ଦେଶର ସମସ୍ତ ଫାର୍ମା କମ୍ପାନୀଙ୍କୁ କୋଭିଡ-19 ଟେଷ୍ଟିଂ କିଟ ପ୍ରସ୍ତୁତ କରିବାକୁ ମୋଦି ଅନୁରୋଧ କରିଛନ୍ତି ।
କୋଭିଡ-19ର ମୁକାବିଲା ପାଇଁ ପିଏମ ସମସ୍ତ ଫାର୍ମା କମ୍ପାନୀ ନେତୃବୃନ୍ଦଙ୍କ ସହ ଆଲୋଚନା କରିଛନ୍ତି । କେନ୍ଦ୍ର ପକ୍ଷରୁ ଆଗୁଆ ଔଷଧ ଓ ମେଡିକାଲ ଯନ୍ତ୍ରପାତି ପାଇଁ 14,000କୋଟି ଟଙ୍କାର ଏକ ସ୍କିମ କରାଯାଇଛି । ଅନ୍ୟପଟେ ଏହି କମ୍ପାନୀମାନଙ୍କୁ ସରକାରଙ୍କ ପକ୍ଷରୁ ମଧ୍ୟ ସହଯୋଗ କରାଯିବ । ସକ୍ରିୟ ଫାର୍ମାସ୍ୟୁଟିକାଲ୍ ଉପାଦାନ ଯୋଗାଇ ଦିଆଯିବ ବୋଲି ମୋଦି ଟ୍ବିଟ ମାଧ୍ୟମରେ ଜଣାଇଛନ୍ତି ।
ଭିଡିଓ କନଫରେନ୍ସି ମାଧ୍ୟମରେ କିପରି କୋଭିଡ-19ର ମୁକାବିଲା ଆଲୋଚନା କରାଯାଇଥିବାବେଳେ, ଏହି ସମୟରେ ଫାର୍ମା ସେକ୍ଟର ହିଁ ସୁସ୍ଥ ଭାରତ ଗଠନ କରିବା ଦିଗରେ ମୁଖ୍ୟ ଭୂମିକା ନିଭାଇବ ବୋଲି କହିଛନ୍ତି ମୋଦି । ଏହି କମ୍ପାନୀ କେବଳ ଅତ୍ୟାବଶକୀୟ ମେଡିସିନ କିମ୍ବା ଯନ୍ତ୍ରପାତି ଯୋଗାଇବେ ନାହିଁ ବିପଦ ସମୟରେ ଉଦ୍ଭାବନ ଓ ଅତ୍ୟାଧୁନିକ ଅନୁସନ୍ଧାନ କରିବେ ବୋଲି ମୋଦି ଆଶା ପୋଷଣ କରିଛନ୍ତି ।
ସୂଚନାଯୋଗ୍ୟ, ଶନିବାର ସୁଦ୍ଧା ଭାରତରେ 315 କୋରୋନା ପଜେଟିଭି ଚିହ୍ନଟ ହୋଇଛନ୍ତି । ଏହା ସହ ପିଏମ ଦେଶରେ ଜନତାଙ୍କ କର୍ଫ୍ୟୁ ଜାରି କରିବା ସହ ଏହାକୁ ପାଳନ କରିବାକୁ ଅନୁରୋଧ କରିଛନ୍ତି । ଅତ୍ୟାବଶ୍ୟକ ନ ହେଲେ ଘରୁ ନ ବାହାରିବାକୁ କୁହାଯାଇଥିବାବେଳେ, ଦୋକାନ ବଜାର ଗାଡି ମୋଟର ବନ୍ଦ ରହିବ । କେବଳ ଜରୁରୀ ସେବା ମେଡିକାଲ, ଅଗ୍ନିଶମ ବିଭାଗ ସହ ପନିପରିବା, ମାଛ, ମାଂସ ଦୋକାନ ଖୋଲା ରହିବ ।
ସୌଜନ୍ୟ:@ANI
