ନୂଆଦିଲ୍ଲୀ: ଏଣିକି ଫୋନ ବ୍ୟବହାରରୁ ଜଣାପଡିବ ଆପଣଙ୍କର ବ୍ୟକ୍ତିତ୍ୱ। ଆପଣ କେତେ ସମୟ ଫୋନ୍ ବ୍ୟବହାର କରୁଛନ୍ତି, ସୋସିଆଲ ମିଡିଆରେ କେତେ ସମୟ ସକ୍ରିୟ ରହୁଛନ୍ତି ଏସବୁ ଆପଣଙ୍କ ବ୍ୟକ୍ତିତ୍ୱରୁ ଜଣାପଡିଯିବ ।
ଅଷ୍ଟ୍ରେଲିଆର ଆରଏମଆଇଟି ୟୁନିଭରସିଟିର ପ୍ରଫେସର ଫ୍ଲୋରା ସଲିମଙ୍କ କହିବା ଅନୁଯାୟୀ, ଆପଣ କେତେ ସମୟରେ ଜଣଙ୍କ ଫୋନ କଲ୍ ଉଠାଉଛନ୍ତି ଏହା ଦ୍ୱାରା ଆପଣଙ୍କ ବ୍ୟକ୍ତିତ୍ୱ ଜଣାପଡିବ । ତେବେ ଏହା ପୂର୍ବ ପରୀକ୍ଷାରୁ ଫୋନ କଲ୍ ଏବଂ ମେସେଜିଙ୍ଗ୍ ଆକ୍ଟିଭିଟି ଲଗ୍ ବ୍ୟବହାର ଦ୍ୱାରା ଜଣେ ବ୍ୟକ୍ତିଙ୍କ ବ୍ୟକ୍ତିତ୍ୱ ଜଣାପଡିଥିଲା ।
କିନ୍ତୁ ଏବେ ଫୋନରେ ଥିବା ଏକ୍ସଲରୋମିଟର ଦ୍ୱାରା ଏହା ଜଣାପଡିବ । ରିସର୍ଚରଙ୍କ କହିବା ଅନୁଯାୟୀ ଜଣେ ବ୍ୟକ୍ତିଙ୍କ ଫିଜିକାଲ ଆକ୍ଟିଭିଟିରୁ ହିଁ ବ୍ୟକ୍ତିଙ୍କ ବ୍ୟକ୍ତିତ୍ୱର ପରିଚୟ ମିଳିଥାଏ । ତେବେ ଏହା 5ଟି ପରୀକ୍ଷାରୁ ଜଣାପଡିଛି । ବୈଜ୍ଞାନିକଙ୍କ ପରୀକ୍ଷାରୁ ଜଣାପଡିଛି କି, ଯେଉଁମାନେ ସନ୍ଧ୍ୟା ସମୟରେ ଲଗାତାର ଚଲାବୁଲା କରିଛନ୍ତି ସେମାନେ ସାଧାରଣତଃ ଲାଜକୁଳା ସ୍ୱଭାବର ହୋଇଥାନ୍ତି । କିନ୍ତୁ ଯେଉଁମାନେ ଦୃଢ ବିଶ୍ବାସ ଲୋକ ସେମାନେ ସାଧାରଣତଃ ଭିନ୍ନ ଭିନ୍ନ ଲୋକଙ୍କ ସହ ଭେଟିବା, ବିନା ପ୍ଲାନରେ ଯୋଜନା କରିବା, ବନ୍ଧୁତ୍ୱ ସ୍ୱଭାବର ହୋଇଥାନ୍ତି ।
ସେହିପରି ଶାନ୍ତ ସ୍ୱଭାବର ମହିଳା ନିଜ ଫୋନକୁ ବାରମ୍ବାର ଚେକ୍ କରିଥାନ୍ତି । କିନ୍ତୁ ଶାନ୍ତ ସ୍ୱଭାବର ପୁରୁଷ ସାଧାରଣତଃ ନିଜ ଫୋନରେ କିଛି ନା କିଛି ସର୍ଚ୍ଚ କରିଥାନ୍ତି । ତେବେ ଏକ ବୈଜ୍ଞାନିକ ପରୀକ୍ଷାରୁ ଜଣାପଡିଛି ଯେ ଆମେ ଫୋନରେ ଥିବା ଏକ୍ସଲରୋମିଟର ବ୍ୟକ୍ତିଙ୍କ ବ୍ୟକ୍ତିତ୍ୱର ଠିକ୍ ତଥ୍ୟ ଦେଇଥାଏ ।
