ଶ୍ରୀନଗର: କାଶ୍ମୀରରେ ପୁଣିଥରେ ଆରମ୍ଭ ହେଲା ମୋବାଇଲ ଓ ଇଣ୍ଟରନେଟ ସେବା । ଗତ ବୁଧବାର ସୁରକ୍ଷା ବାହିନୀ ସହ ହୋଇଥିବା ଏନକାଉଣ୍ଟରରେ ହିଜବୁଲ ମୁଜାହିଦ୍ଦିନ କମାଣ୍ଡର ରିୟାଜ ନାଇକୋଙ୍କ ହତ୍ୟା ଘଟଣାରେ ତିନି ଦିନ ପାଇଁ ଫୋନ ସେବା ବନ୍ଦ ରହିଥିଲା । ଏହାପରେ ଶୁକ୍ରବାର ମଧ୍ୟରାତ୍ରରୁ କାଶ୍ମୀରରେ ପୁନଃ ମୋବାଇଲ ଫୋନ ସେବା ଆରମ୍ଭ ହୋଇଥିବା ଅଧିକାରୀମାନେ କହିଛନ୍ତି।
ଅଧିକାରୀମାନେ କହିଛନ୍ତି ଯେ, ସ୍ଥିତିର ଆକଳନ କରିବା ମୋବାଇଲ୍ ଇଣ୍ଟରନେଟ୍ ସେବା ପୁନଃ ଆରମ୍ଭ ପାଇଁ ନିଷ୍ପତ୍ତି ନିଆଯାଇଥିଲା । ପ୍ରକାଶ ଥାଉକି, ଗତ ବୁଧବାର ଦକ୍ଷିଣ କାଶ୍ମୀରର ପୁଲୱାମା ଜିଲ୍ଲାରେ ସୁରକ୍ଷାବଳ ଏବଂ ଆତଙ୍କବାଦୀଙ୍କ ଏନକାଉଣ୍ଟରେ 5 ଜଣ ଯବାନ ପ୍ରାଣ ହରାଇଥିଲେ । ଏହାପରେ କର୍ତ୍ତୃପକ୍ଷ ବିଏସଏନଏଲ ପୋଷ୍ଟପେଡ ବ୍ୟତୀତ କାଶ୍ମୀରରେ 2ଜିବି ମୋବାଇଲ ଇଣ୍ଟରନେଟ ସେବା ବନ୍ଦ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
