ଚେନ୍ନାଇ: ଆଜି(ସୋମବାର) ତାମିଲନାଡୁର ଦିବଂଗତ ନେତା ତଥା ଡିଏମକେ ପ୍ରତିଷ୍ଠାତା ଏମ୍ କରୁଣାନିଧିଙ୍କ 95ତମ ଜନ୍ମବାର୍ଷିକୀ । ଶ୍ରଦ୍ଧାଞ୍ଜଳି ଜଣାଇଲେ ଡିଏମକେ ମୁଖ୍ୟ ଏମ କେ ଷ୍ଟାଲିନ । ଷ୍ଟାଲିନଙ୍କ ସମେତ ଦଳର ଅନେକ ନେତା ତାଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ।
ସୂଚନାଥାଉକି, ତାମିଲନାଡୁ ରାଜନୀତି ଇତିହାସର ଏକ ଅଭିନ୍ନ ଅଙ୍ଗ ହେଉଛନ୍ତି କରୁଣାନିଧି । ସେ ତାଙ୍କ ଜୀବନକାଳ ମଧ୍ୟରେ ଅନେକ ଥର ରାଜ୍ୟର ମୁଖ୍ୟମନ୍ତ୍ରୀ ହୋଇଛନ୍ତି । ତେବେ ଗତବର୍ଷ ଅଗଷ୍ଟ ମାସରେ 94 ବର୍ଷ ବୟସରେ ତାଙ୍କର ଦେହାନ୍ତ ହୋଇଥିଲା ।
ତେବେ ତାଙ୍କ ଦେହାନ୍ତର ବର୍ଷକ ଭିତରେ ହୋଇଥିବା ଲୋକସଭା ନିର୍ବାଚନରେ ଡିଏମକେ ତାମିଲନାଡୁର 38ଟି ଆସନରୁ 37ଟିରେ ଜୟ ଲାଭ କରିଛି ।
