ନୂଆଦିଲ୍ଲୀ: ମାଇକ୍ରୋସଫ୍ଟ କମ୍ପାନୀର ଭାରତ ଜନ୍ମିତ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ(ସିଇଓ) ସତ୍ୟ ନାଡେଲା ତିନି ଦିବସୀୟ ଭାରତ ଗସ୍ତରେ ଆସୁଛନ୍ତି । ଫେବୃଆରୀ 24ରୁ 26 ତାରିଖ ପର୍ଯ୍ୟନ୍ତ ସେ ଭାରତ ଗସ୍ତରେ ରହିବେ । ଏନେଇ ମାଇକ୍ରୋସଫ୍ଟ ପକ୍ଷରୁ ଆନୁଷ୍ଠାନିକ ଭାବରେ ଘୋଷଣା କରାଯାଇଛି ।
ମାଇକ୍ରୋସଫ୍ଟ ଏହି ଘୋଷଣା ନିଜ ଅଫିସିଆଲ ୱେବସାଇଟରେ ସେୟାର କରିଛି । ମାଇକ୍ରୋସଫ୍ଟ ସିଇଓ ସତ୍ୟ ନାଡେଲା । ସେ ବୈଷୟିକ ଜ୍ଞାନକୌଶଳ ଦିଗରେ ନିଜର ଦୂରଦୃଷ୍ଟି ଓ ଭବିଷ୍ୟତରେ ଭାରତୀୟ ଅନୁଷ୍ଠାନ ମାନେ କିଭଳି ଭାବରେ ଡିଜିଟାଲ ଯୁଗରେ ନିଜୁର ଖାପଖୁଆଇ ପରିବର୍ତ୍ତନର ସହ ତାଳ ମେଳାଇ ପାରିବେ ସେ ନେଇ ନିଜ ମୁଖ୍ୟ ଆଭମୁଖ୍ୟ ସନ୍ଦର୍ଭରେ ଏହି ଗସ୍ତରେ ଆଲୋଚନା କରିବେ ।
ନାଡେଲାଙ୍କ ଏହି ଗସ୍ତ ମୁମ୍ବାଇରୁ ଆରମ୍ଭ ହେବ । ଟେକ୍ ମୋଗଲ ସତ୍ୟ ନାଡେଲାଙ୍କ ପ୍ରଥମ ସମିତିକୁ ଆୟୋଜନ କରିବ । ‘ମାଇକ୍ରୋସଫ୍ଟ ଫ୍ୟୁଚର ଡିକୋଡେଜ ସିଇଓ ସମିଟି’ ନାମକ ଏକ କାର୍ଯ୍ୟକ୍ରମକୁ ମଧ୍ୟ ଫେବୃଆରୀ 24ରେ ମୁମ୍ବାଇରେ ଆୟୋଜନ କରିବ । ଏହି ସମିତିରେ ବିଭିନ୍ନ ସେକ୍ଟର ମୁଖ୍ୟ ମାନେ ଏକତ୍ରିତ ହେବାର କାର୍ଯ୍ୟକ୍ରମ ରହିଛି ।
ସେହିପରି ଫେବୃଆରୀ 25ରେ ବେଙ୍ଗାଲୁରୁ ମଧ୍ୟ ‘ମାଇକ୍ରୋସଫ୍ଟ ଫ୍ୟୁଚର ଡିକୋଡେଜ ସିଇଓ ସମିଟି’ର ଆୟୋଜନ ସ୍ତୀରିକୃତ ହୋଇଛି । ‘ଏରା ଅଫ୍ ଡିଜିଟାଲ ଟ୍ରାନ୍ସଫରମେସନ’ ସନ୍ଦର୍ଭରେ ସେ ଆଲୋକପାତ କରିବେ ।
ଏଠାରେ ସୂଚନା ଯୋଗ୍ୟ ଯେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଫେବୃଆରୀ 24 ଓ 25ରେ ଭାରତ ଗସ୍ତରେ ଆସୁଛନ୍ତି ।
