ନୂଆଦିଲ୍ଲୀ: ଗୃହ ମନ୍ତ୍ରଣାଳୟ ଶୁକ୍ରବାର କୋରୋନା ଭାଇରସ କାରଣରୁ ଭାରତରେ ଫସି ରହିଥିବା ସମସ୍ତ ବିଦେଶୀଙ୍କ ନିୟମିତ ଏବଂ ଇ-ଭିସାକୁ ବଢେଇ ଦେଇଛନ୍ତି । ଗୃହ ମନ୍ତ୍ରଣାଳୟ ଏହା ମଧ୍ୟ କହିଛି ଯେ, ଭାରତ ଆସିବାକୁ ଥିବା କୂଟନୀତିଜ୍ଞ ତଥା ଜାତିସଂଘର ଅଧିକାରୀଙ୍କ ବ୍ୟତୀତ ଅନ୍ୟ ବିଦେଶୀଙ୍କୁ ଦିଆଯାଇଥିବା ଭିସା ଆସନ୍ତା ମେ 3 ପର୍ଯ୍ୟନ୍ତ ବୃଦ୍ଧି କରାଯାଇଛି ।
ବିଶ୍ବର ଅନେକ ଅଞ୍ଚଳରେ COVID-19ର ପ୍ରସାର କାରଣରୁ ଭାରତ ସରକାରଙ୍କ ଦ୍ବାରା ଲାଗୁ କରାଯାଇଥିବା ଯାତ୍ରା ପ୍ରତିବନ୍ଧକକୁ ମଧ୍ୟ ଉଠାଯାଇଛି । ଯେଉଁମାନଙ୍କ ଭିସା ଫେବୃଆରୀୱ1 ରୁ ମେ 3 ମଧ୍ୟରେ ଶେଷ ହେଉଥିବ ,ସେମାନଙ୍କ ଭିସାର ସମୟର ସୀମା ବୃଦ୍ଧି କରାଯାଇଛି ବୋଲି ଏକ ରିପୋର୍ଟରେ ଏହା ଦର୍ଶାଯାଇଛି ।
କୂଟନୀତିଜ୍ଞ, ସରକାରୀ, ଜାତିସଂଘ ଏବଂ ଆନ୍ତର୍ଜାତୀୟ ସଂଗଠନ, ନିଯୁକ୍ତି ଏବଂ ପ୍ରକଳ୍ପ ବର୍ଗର ବ୍ୟକ୍ତିଙ୍କ ବ୍ୟତୀତ ଅନ୍ୟ ବିଦେଶୀଙ୍କୁ ଦିଆଯାଇଥିବା ସମସ୍ତ ଭିସା ସ୍ଥଗିତାଦେଶକୁ ଗୃହ ମନ୍ତ୍ରଣାଳୟ ଆସନ୍ତା 3 ତାରିଖ ପର୍ଯ୍ୟନ୍ତ ବୃଦ୍ଧି କରିବାକୁ ନିଷ୍ପତ୍ତି ନେଇଛି ବୋଲି ରିପୋର୍ଟରେ କୁହାଯାଇଛି।
