CAA ଓ NRCକୁ ବିରୋଧ, ଟ୍ରେନ ରୋକିଲେ ବହୁଜନ କ୍ରାନ୍ତି ମୋର୍ଚ୍ଚା

ସିଏଏ-ଏନଆରସିକୁ ବିରୋଧ କରି ବୁଧବାର ଭାରତ ବନ୍ଦ ପାଳନ କରିଛି ବହୁଜନ କ୍ରାନ୍ତି କର୍ମୀ । ଏନେଇ ମୁମ୍ବାଇର କଞ୍ଜୁମାର୍ଗ ଷ୍ଟେସନରେ ରେଳ ଚଳାଚଳ ବନ୍ଦ କରିଛନ୍ତି ଦଳୀୟକର୍ମୀ ।

ମୁମ୍ବାଇ: ସିଏଏ-ଏନଆରସିକୁ ବିରୋଧ କରି ବୁଧବାର ଭାରତ ବନ୍ଦ ଡାକରା ଦେଇଛି ବହୁଜନ କ୍ରାନ୍ତି ଦଳ । ଏନେଇ ଦଳୀୟ କର୍ମୀ ମୁମ୍ବାଇର କଞ୍ଜୁମାର୍ଗ ଷ୍ଟେସନରେ ରେଳ ଚଳାଚଳ ବନ୍ଦ କରିଛନ୍ତି । ଗତ କିଛିଦିନ ଧରି ଦେଶର ବିଭିନ୍ନ ପ୍ରାନ୍ତରେ ନାଗରିକତା ସଂଶୋଧନ ଆଇନ(ସିଏଏ) ଓ ଏନଆରସିକୁ ନେଇ ବିରୋଧ ପ୍ରଦର୍ଶନ ଜାରି ରହିଛି ।

ଦିଲ୍ଲୀ, କୋଲକାତା, ମୁମ୍ବାଇ ଠାରୁ ଆରମ୍ଭ କରି ଦେଶର ବିଭିନ୍ନ ସଙ୍ଗଠନ ତରଫରୁ ଏନଆରସି, ସିଏଏକୁ ବିରୋଧ ପ୍ରଦର୍ଶନ କରାଯାଉଛି । ଏହାସହ ରାସ୍ତାକୁ ଓହ୍ଲାଉଛନ୍ତି ଜନସାଧାରଣ। ବୁଧବାର ବହୁଜନ କ୍ରାନ୍ତି ଦଳ ପକ୍ଷରୁ ଭାରତ ବନ୍ଦ ଡାକରା ଦିଆଯାଇଛି । (@ANI)