ନୂଆଦିଲ୍ଲୀ: ୟୁପିରେ ଏକ ବୃହତ୍ତ ଓ ଉନ୍ନତ ଫିଲ୍ମ ସିଟି ନିର୍ମାଣ ହେବା ନେଇ ଯୋଗୀ ସରକାର ଘୋଷଣା କରିଛନ୍ତି । ଯାହାକୁ ପ୍ରଶଂସା କରିଛନ୍ତି ବିଜେପି ନେତା ମନୋଜ ତିୱାରୀ ।
ତିୱାରୀ କହିଛନ୍ତି ଯେ ନୂତନ ଫିଲ୍ମ ସିଟି ସୃଷ୍ଟି ହେବା ସହିତ ଲୋକଙ୍କ ପାଇଁ ନିଯୁକ୍ତି ଏବଂ ନୂତନ ପ୍ରତିଭାର ଅପାର ପରିସର ରହିଛି। ୟୁପି ସରକାର ପାଇଁ ଏହା ଏକ ପ୍ରକାର ଐତିହାସିକ ପଦକ୍ଷେପ । ଏଥିପାଇଁ ମୁଁ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ରାଜନୀତିରେ ଅଭିନେତା ଭାବରେ ଅଶେଷ ଧନ୍ୟବାଦ ଜଣାଉଛି ।
ଆପଣଙ୍କୁ କହିରଖୁଛୁ ଯେ, ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଶୁକ୍ରବାର ସରକାରୀ ବାସଭବନରେ ଭିଡିଓ କନଫରେନ୍ସିଂ ମାଧ୍ୟମରେ ରାଜ୍ୟର ବିକାଶମୂଳକ କାର୍ଯ୍ୟର ସମୀକ୍ଷା କରିଥିଲେ । ଏହାସହ ରାଜ୍ୟରେ ଏକ ନୂତନ ଚଳଚ୍ଚିତ୍ର ସହର ନିର୍ମାଣ ବିଷୟରେ କହିଥିଲେ ।
ସେ କହିଥିଲେ ଯେ, ବର୍ତ୍ତମାନ ପରିସ୍ଥିତିରେ ଦେଶ ଏକ ଭଲ ଚଳଚ୍ଚିତ୍ର ସହର ଆବଶ୍ୟକ କରେ। ଏହି ଦାୟିତ୍ବ ନେବାକୁ ଉତ୍ତରପ୍ରଦେଶ ପ୍ରସ୍ତୁତ ଅଛି । ଆମେ ଏକ ବୃହତ ଚଳଚ୍ଚିତ୍ର ସହର ତିଆରି କରିବୁ । ଫିଲ୍ମ ସିଟି ପାଇଁ ନୋଏଡା, ଗ୍ରେଟର ନୋଏଡା ଏବଂ ଯମୁନା ଏକ୍ସପ୍ରେସୱେ କ୍ଷେତ୍ର ଭଲ ହେବ। ଏହି ସହରର ଚଳଚ୍ଚିତ୍ର ନିର୍ମାତାମାନଙ୍କୁ ଏକ ଉତ୍ତମ ବିକଳ୍ପ ପ୍ରଦାନ କରିବ, ସେହି ସମୟରେ ଏହା ନିଯୁକ୍ତି ଦୃଷ୍ଟିକୋଣରୁ ଏକ ଭଲ ଏବଂ ଉପଯୋଗୀ ପ୍ରୟାସ ମଧ୍ୟ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
