ଇମ୍ପାଲ: ମଣିପୁର ସାମାଜିକ କଲ୍ୟାଣ ମନ୍ତ୍ରୀ ନିମଚା କେପିଗେନ କୋରୋନା ପଜିଟିଭ । ଏନେଇ ମଙ୍ଗଳବାର ମନ୍ତ୍ରୀ ନିଜ ସୋସିଆଲ ମିଡିଆରେ ସୂଚନା ଦେଇଛନ୍ତି । ସେ ନିଜର ଫେସବୁକ ଓ ଟ୍ବିଟରରେ କୋରୋନା ସଂକ୍ରମିତ ହୋଇଥିବା ଜଣାଇଛନ୍ତି ।
ନିମଚା ଫେସବୁକରେ ଲେଖିଥିଲେ, କୋରୋନା ଲକ୍ଷଣ ଦେଖାଦେବା ପରେ ମୁଁ ଟେଷ୍ଟ କରାଇଥିଲି ।ଏହାର ରିପୋର୍ଟ ପଜିଟିଭ ଆସିଛି । ତେଣୁ ଯେଉଁମାନେ ମୋ ସମ୍ପର୍କରେ ଆସିଛନ୍ତି, ସେମାନେ ତୁରନ୍ତ ହୋମକ୍ବାରେଣ୍ଟାଇନ ରହିବା ସହ କୋଭିଡ ଟେଷ୍ଟ କରାନ୍ତୁ ।
କିପଗେନ୍ (57) ମଣିପୁରର ପ୍ରଥମ କ୍ୟାବିନେଟ ମନ୍ତ୍ରୀ ଯିଏକି କୋରୋନା ସଂକ୍ରମିତ ହୋଇଛନ୍ତି । ଇମ୍ଫାଲରେ ଥିବା କୋଭିଡ -19 ନିୟନ୍ତ୍ରଣ କେନ୍ଦ୍ରର ମୁଖପାତ୍ର କହିଛନ୍ତି ଯେ କିପଗେନଙ୍କୁ ଘରେ ଅଲଗା ରହିବାକୁ ପରାମର୍ଶ ଦିଆଯାଇଛି।
ମଣିପୁରରେ ଏପର୍ଯ୍ୟନ୍ତ 5,444 ଜଣ ଲୋକ କୋରୋନା ସଂକ୍ରମିତ ହୋଇଥିବା ଜଣାପଡିଛି। ସେମାନଙ୍କ ମଧ୍ୟରେ 1,608 ସକ୍ରିୟ ମାମଲା ଅଛି । ରାଜ୍ୟରେ ଏପର୍ଯ୍ୟନ୍ତ 3,812 କୋରୋନା ରୋଗୀ ଆରୋଗ୍ୟ ଲାଭ କରିଛନ୍ତି।
