ବେଙ୍ଗାଲୁରୁ: ନାଗରିକତା ସଂଶୋଧନ ଆଇନ(ସିଏଏ)କୁ ବିରୋଧ କରୁଥିବା କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରମୈୟା ମାଙ୍ଗାଲୁରୁ ଗସ୍ତ କରିପାରିବେ ନାହିଁ। ଏନେଇ ମାଙ୍ଗାଲୁରୁ ପୋଲିସ କମିଶନର ତାଙ୍କୁ ନୋଟିସ ଜାରି କରିଛନ୍ତି। ଆଜି ମାଙ୍ଗାଲୁରୁ ଗସ୍ତରେ ଆସିଥାନ୍ତେ ସିଦ୍ଧରମୈୟା। ହେଲେ ତାଙ୍କ ଗସ୍ତ ଫଳରେ ସହରରେ ଆଇନ ଶୃଙ୍ଖଳା ପରିସ୍ଥିତି ବିଗିଡିବାର ଆଶଙ୍କା ପ୍ରକାଶ କରି ଏଭଳି ନୋଟିସ ଜାରି କରିଛି ପୋଲିସ।
ସେପଟେ ସିଏଏ ବିରୋଧରେ ଆସାମରେ ଘଟିଥିବା ହିଂସାକାଣ୍ଡର ତଦନ୍ତ ପାଇଁ ଏକ ସ୍ବତନ୍ତ୍ର ତଦନ୍ତକାରୀ ଟିମ(ଏସଆଇଟି) ଗଠନ କରିବାକୁ ଘୋଷଣା କରିଛନ୍ତି ଆସାମ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନେୱାଲ। ନାଗରିକତା ସଂଶୋଧନ ଆଇନ(ସିଏଏ) ବିରୋଧରେ ପ୍ରଦର୍ଶନ ବେଳେ ରାଜ୍ୟରେ ହିଂସାକାଣ୍ଡ ଘଟିଥିଲା। ଏହାର ତଦନ୍ତ ପାଇଁ ଏସଆଇଟି ଗଠନ କରାଯାଇଛି। ଯେଉଁମାନେ ହିଂସାକାଣ୍ଡରେ ସାମିଲ ଅଛନ୍ତି ସେମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଆସାମ ମୁଖମନ୍ତ୍ରୀ ସୋନେୱାଲ କହିଛନ୍ତି।
