ନୂଆଦିଲ୍ଲୀ: ବର୍ଷ ଶେଷ ସୁଦ୍ଧା ନିଜ ନିଜର ପ୍ୟାନ କାର୍ଡରେ ଆଧାର କାର୍ଡ ସଂଯୋଗ କରିବା ବାଧ୍ୟତାମୂଳକ ବୋଲି ଆୟକର ବିଭାଗ ତରଫରୁ ସୂଚନା ଦିଆଯାଇଛି । ପୂର୍ବରୁ ଏହାର ଶେଷ ତାରିଖ ସେପ୍ଟେମ୍ବର 30 ରହିଥିଲା । ମାତ୍ର ପରେ ଏହାକୁ ବଢାଯାଇ ଚଳିତ ବର୍ଷର ଶେଷ ଦିନ କରାଯାଇଛି । ଫଳରେ ଆପଣଙ୍କୁ ବର୍ଷ ଶେଷ ସୁଦ୍ଧା ପ୍ୟାନ ସହ ଆଧାର ଲିଙ୍କ କରିବାକୁ ପଡିବ । ନଚେତ ଆପଣଙ୍କ ପ୍ୟାନକାର୍ଡଟି ଅଚଳ ହୋଇଯାଇପାରେ ।
ତେବେ ଏହା ଦ୍ବାରା ଆୟକର ସେବା କ୍ଷେତ୍ରର ସୁଫଳ ଅଧିକ ସହଜରେ ଜନସାଧାରଣଙ୍କ ନିକଟରେ ପହଞ୍ଚିପାରିବ । ଅନ୍ଲାଇନରେ ପ୍ୟାନ ସହିତ ଆଧାର ସଂଯୋଗ ପାଇଁ କରଦାତାମାନଙ୍କୁ ଇ-ଫାଇଲିଂ ପୋର୍ଟାଲକୁ ଲଗ୍ଇନ୍ କରିବାକୁ ପଡିବ । ଏହାଛଡା ଏହି ସଂଯୋଗୀକରଣ ପାଇଁ ଆୟକର ବିଭାଗ ଏକ ଏସଏମ୍ଏସ ଭିତ୍ତିକ ସୁବିଧା ଯୋଗାଇ ଦେଇଛି ।
