ହାଇଦ୍ରାବାଦ: 2 ଦିନ ପରେ କୂଅରୁ ଉଦ୍ଧାର ହେଲେ ପଥଚାରୀ । ନିଜ ମୋଟର ସାଇକେଲରେ ଯାଉଥିବା ବେଳେ ଭୁଲବଶତଃ କୂଅରେ ପଡିଯାଇଥିଲେ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ତେଲେଙ୍ଗାନାର କରିମନଗର ଅଞ୍ଚଳରେ । ବ୍ୟକ୍ତି ଜଣକ ଭି . ରାଜମୋଗଲୀ ବୋଲି ଜଣାପଡିଛି ।
ଯେମିତି ସେମିତି କୂଅରେ ଦୁଇ ଦିନ ବିତେଇ ଥିଲେ ରାଜମୋଗଲୀ । ପ୍ରତି ମୂହୂର୍ତ୍ତରେ ଜୀବନ ମରଣ ସହ କରୁଥିଲେ ସଂଘର୍ଷ । ହେଲେ କଥାରେ ଅଛି ଯାହାକୁ ଭଗବାନ ରକ୍ଷା କରିବା ତାର କେହି କ୍ଷତି କରିପାରିବେ ନାହିଁ। ତେବେ ତୃତୀୟ ଦିନ କୂଅ ଥିବା ଯାହା ଚାଷଜମିର ମାଲିକ ଫସଲ ଦେଖିବାକୁ ଆସିଥିଲେ। ଆଉ ରାଜମୋଗଲୀଙ୍କୁ ଦେଖି ଗାଁ ଲୋକଙ୍କୁ ଡାକିଥିଲେ । ବଡ ଦଉଡି ସାହାଯ୍ୟରେ ତାଙ୍କୁ କୂଅରୁ ଉଦ୍ଧାର କରାଯାଇଥିଲା ।
ଶେଷରେ ଜୀବନ ନେଇ ମରଣଯନ୍ତାରୁ ବାହାରକୁ ଆସିଲେ ରାଜମୋଗଲୀ । ହେଲେ ସେଇ ଦୁଇ ଦିନ ତାଙ୍କୁ କେହି ଦେଖିପାରିନଥିଲେ । କିମ୍ବା ପାଟିକରି ଡାକିଲେ ମଧ୍ୟ ଏହି ଶବ୍ଦ ପଥଚାରୀଙ୍କ କାନରେ ପଡିନାହିଁ ।
