ମୁମ୍ବାଇ: ମହାରାଷ୍ଟ୍ରରେ କୋରୋନା ସ୍ଥିତି ଭୟଙ୍କର ପାଲଟିଛି । ମୋଟ୍ ଆକ୍ରାନ୍ତ ସଂଖ୍ୟା 70 ହଜାର ପାର କରିଛି । ସେହିପରି ମୁମ୍ବାଇରେ ପଜିଟିଭ 40 ହଜାର ଟପିଛି ।
ରାଜ୍ୟ ସ୍ବାସ୍ଥ୍ୟ ବିଭାଗ ସୂଚନାନୁସାରେ ସୋମବାର 2361ଟି ମାମଲା ସ୍ପଷ୍ଟ ହୋଇଛି । ସେହିପରି 76 ଜଣଙ୍କର ମୃତ୍ୟୁ ହୋଇଛି । ଲଗାତାର 2 ସପ୍ତାହ ଉପରକୁ ହେବ ମହାରାଷ୍ଟ୍ରରେ କୋରୋନା ଆକ୍ରାନ୍ତ 2000 ଉପରେ ବାହାରିଛି । ଏପର୍ଯ୍ୟନ୍ତ ରାଜ୍ୟରେ ମୋଟ୍ ଆକ୍ରାନ୍ତ 70 ହଜାର 13 ରହିଛି । ମୃତ୍ୟୁସଂଖ୍ୟା 2362 ଥିବା ଜଣାପଡିଛି ।
ସେହିପରି ମୁମ୍ବାଇରେ 24 ଘଣ୍ଟାରେ 1413 କୋରୋନା ମାମଲା ଚିହ୍ନଟ ହେବା ସହ 40 ଜଣଙ୍କର ମୃତ୍ୟୁ ହୋଇଛି । ଫଳରେ ମୋଟ୍ ଆକ୍ରାନ୍ତ 40 ହଜାର 877 ପହଞ୍ଚିଛି । ଧରାଭୀ ବସ୍ତିରେ 34ଟି କେସ ସହ ମୋଟ୍ 1805 ଆକ୍ରାନ୍ତ ସ୍ପଷ୍ଟ ହୋଇଛି ।
