ଭୋପାଳ: ବରିଷ୍ଠ କଂଗ୍ରେସ ନେତା ଦିଗବିଜୟ ସିଂ ବେଙ୍ଗାଲୁରୁ ହୋଟେଲରେ ଥିବା ବିଧାୟକମାନଙ୍କୁ ପ୍ରଭାବିତ କରୁଥିବା ମଧ୍ୟପ୍ରଦେଶ ବିଜେପି ଅଭିଯୋଗ ଆଣିଛି । ଏନେଇ ବିଜେପି ପକ୍ଷରୁ ମୁଖ୍ୟ ନିର୍ବାଚନ କମିଶନରଙ୍କ ପାଖକୁ ଏକ ଚିଠି ଲେଖାଯାଇଛି ।
ବିଜେପି ଲେଖିଥିବା ଚିଠିରେ ଉଲ୍ଲେଖ ରହିଛି, ରାଜ୍ୟସଭା ନିର୍ବାଚନ ପାଇଁ ପ୍ରାର୍ଥୀ ହୋଇଥିବା ଦିଗବିଜୟ ସିଂ ଅନ୍ୟ ନେତାମାନଙ୍କ ସହ ବେଙ୍ଗାଲୁରୁର ରାମଦା ହୋଟେଲରେ ଥିବା 16 ଜଣ ବିଧାୟକଙ୍କୁ ପ୍ରଭାବିତ କରିବାକୁ ଯାଇଛନ୍ତି । ଏହା ଆଦର୍ଶ ଆଚରଣ ବିଧିକୁ ଉଲଂଘନ କରୁଥିବା ଚିଠିରେ ଦର୍ଶାଯାଇଛି । ତେଣୁ ରାଜ୍ୟସଭା ନିର୍ବାଚନକୁ ଶାନ୍ତିପୂର୍ଣ୍ଣ ତଥା ଗଣତାନ୍ତ୍ରିକ ଭାବରେ ପରିଚାଳନା ପାଇଁ ତାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଏଥିରେ ଦାବି କରିଛି ବିଜେପି ।
ସେହିପରି ହୋଟେଲରେ ଥିବା ବିଧାୟକ ମାନଙ୍କୁ ଦେଖାକରିବାକୁ କର୍ଣ୍ଣାଟକ ହାଇକୋର୍ଟରେ ଏକ ପିଟିସନ ଦାଖଲ କରିଥିବା ନେଇ ଦିଗବିଜୟ ପ୍ରକାଶ କରିଛନ୍ତି ।
ଦିଗବିଜୟ କହିଛନ୍ତି, ‘ମୁଁ କର୍ଣ୍ଣାଟକ ହାଇକୋର୍ଟରେ ଏକ ପିଟିସନ ଦାଖଲ କରିଛି, ଏଥିରେ ବେଙ୍ଗାଲୁରୁରେ ରହୁଥିବା ମଧ୍ୟପ୍ରଦେଶ କଂଗ୍ରେସ ବିଧାୟକ ମାନଙ୍କୁ ଭେଟିବା ପାଇଁ ଆବେଦନ କରିଛି । ଏହା ସହ ସୁପ୍ରିମକୋର୍ଟରେ ଓ ହାଇକୋର୍ଟରେ ଏହି ମାମଲାର ନିଷ୍ପତ୍ତି ପର୍ଯ୍ୟନ୍ତ ମୁଁ ଉପବାସ କରିବାକୁ ନିଷ୍ପତ୍ତି ନେଇଛି ।’
@ANI
