ଲକ୍ଷ୍ନୌ: କୋରୋନା ମହାମାରୀ ମଧ୍ୟରେ ଯୋଗୀ ସରକାରଙ୍କ ପାଇଁ ଆଉ ସଙ୍କଟ ମୁଣ୍ଡ ଟେକିଛି । ବର୍ଷା ଋତୁରେ ପୂର୍ବାଞ୍ଚଳରେ ଏନସେଫାଲାଇଟିସ୍ ମହାମାରୀ ଯୋଗୀ ସରକାରଙ୍କ ପାଇଁ ଏକ ବଡ ଚ୍ୟାଲେଞ୍ଜ ପାଲଟିଛି । ସେଥିପାଇଁ ଏନସେଫାଲାଇଟିସ୍ ରେ ଶିଶୁଙ୍କ ମୃତ୍ୟୁ ରୋକିବା ପାଇଁ ଯୋଗୀ ସରକାର ଜୁଲାଇ 1ରୁ ସମଗ୍ର ରାଜ୍ୟରେ ସଂକ୍ରମଣ ରୋଗ ନିୟନ୍ତ୍ରଣ ଅଭିଯାନ ଆରମ୍ଭ କରିବାକୁ ନିର୍ଦ୍ଦେଶ ଦେଇଛନ୍ତି । ସେହିପରି ସ୍ବାସ୍ଥ୍ୟ ବିଭାଗ ଏବଂ ଅନ୍ୟାନ୍ୟ ଆନୁଷଙ୍ଗିକ ବିଭାଗ ଦ୍ୱାରା ମଧ୍ୟ ଏକ ସଚେତନତା ଅଭିଯାନ କରାଯିବ।
ଯୋଗୀ ଆଦିତ୍ୟାନାଥ ଜେଇ ଟିକାର ଟୀକାକରଣ କରିବାକୁ ନିର୍ଦ୍ଦେଶ ଦେଇଛନ୍ତି। ତେବେ ଗତ ବର୍ଷ ୟୁପିରେ ଆରମ୍ଭ ହୋଇଥିବା ସଂକ୍ରମଣ ରୋଗ ନିୟନ୍ତ୍ରଣ ଏବଂ ଦସ୍ତକ ଅଭିଯାନ କାରଣୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଉଦ୍ୟମରେ ଜେଇ (ଜାପାନିଜ୍ ଏନସେଫାଲାଇଟିସ୍) ଏଇଏସ୍ (ଆକ୍ୟୁଟ୍ ଏନସେଫାଲାଇଟିସ୍) ରେ ପୀଡିତ ରୋଗୀଙ୍କ ସଂଖ୍ୟା 65% ହ୍ରାସ ପାଇଥିଲା।
ସୂଚନା ଅନୁଯାୟୀ, 2017 ଅଗଷ୍ଟ 10-11 ରାତିରେ ବିଆରଡି ମେଡିକାଲ କଲେଜ ଗୋରଖପୁରରେ ଅମ୍ଳଜାନ ଅଭାବ ହେତୁ 36 ପିଲାଙ୍କ ମୃତ୍ୟୁ ଘଟିଥିଲା ।
