ପାଟନା: ସମଗ୍ର ଦେଶରେ ପ୍ରବଳ ରୌଦ୍ରତାପ ଅନୁଭୂତ ହେଉଛି । ଏପରିକି ଚାରିଆଡେ ପ୍ରଚଣ୍ଡ ଖରା ସାଙ୍ଗକୁ ଗୁଳୁଗୁଳି । ଘରୁ ବାହାରକୁ ବାହାରିବା ମଧ୍ୟ କଷ୍ଟକର ହୋଇପଡୁଛି। ତେବେ ସୂର୍ଯ୍ୟଙ୍କ କୋପରୁ ଯେମିତି ବର୍ତ୍ତି ନାହାଁନ୍ତି ଭଗବାନ ଗଣେଶ । ପ୍ରବଳ ଗରମ ଯୋଗୁଁ ଦେହରୁ ବୋହୁଛି ଝାଳ । ଆଉ ଚିନ୍ତାରେ ମନ୍ଦିର ପୂଜକ । ଏଭଳି ଏକ ଅଦ୍ଭୁଦ ଘଟଣା ଦେଖିବାକୁ ମିଳିଛି ବିହାର ଗୟାର ରାମଶୀଳା ଠାକୁରବାଡି ମନ୍ଦିରରେ ।
କୋରାଲରେ ତିଆରି ଏହି ଗଣେଶ ମୂର୍ତ୍ତିରୁ ମଣିଷ ଭଳି ବାହାରୁଛି ଝାଳ । ଆଉ ମନ୍ଦିର କର୍ତ୍ତୃପକ୍ଷ ଠାକୁରଙ୍କୁ ଗରମରୁ ମୁକ୍ତି ଦେବା ପାଇଁ ପଙ୍ଖା ଲଗାଇଥିବା କହିଛନ୍ତି ମନ୍ଦିର ପୂଜକ ଲକ୍ଷ୍ମଣ । କେବଳ ଏତିକି ନୁହେଁ ଭଗବାନଙ୍କ ଦେହରେ ଲେପନ କରାଯାଉଛି ଚନ୍ଦନ । କାରଣ ଚନ୍ଦନ ଦେହକୁ ଥଣ୍ଡା ରଖିଥାଏ ।
ଲୋକଙ୍କ ବିଶ୍ବାସ ଛଡା ଏନେଇ ରହିଛି ବୈଜ୍ଞାନିକ କାରଣ । ଅତ୍ୟଧିକ ସୂର୍ଯ୍ୟତାପ ଯୋଗୁଁ କୋରାଲ ପଥର ଗରମ ହେବା ସହ ଏଥିରୁ ପାଣି ବାହାରିଥାଏ ।
