ଜୟପୁର: ରାଜସ୍ଥାନ ଏବଂ ମଧ୍ୟପ୍ରଦେଶର 15ଟି ସ୍ଥାନରେ ପଙ୍ଗପାଳ ନିୟନ୍ତ୍ରଣ ପାଇଁ ବହୁ ଅପରେସନ କରାଯାଇଛି । ଗତ ଶୁକ୍ରବାର ପଙ୍ଗପାଳ ନିୟନ୍ତ୍ରଣ କାର୍ଯ୍ୟାଳୟ ଦ୍ବାରା ରାଜସ୍ଥାନ ଏବଂ ମଧ୍ୟପ୍ରଦେଶର 15ଟି ସ୍ଥାନରେ ବହୁ ଅପରେସନ କରାଯାଇ ପଙ୍ଗପାଳ ମୁକାବିଲା କରାଯାଇଛି ।
କୃଷି ଓ କୃଷକ କଲ୍ୟାଣ ମନ୍ତ୍ରଣାଳୟ ଅନୁଯାୟୀ ରାଜସ୍ଥାନର ଜୟପୁର, ଦଉସା, ବିକାନେର, ଯୋଧପୁର, ବର୍ମର, ଚିତ୍ତରଗଡ, ଶ୍ରୀ ଗଙ୍ଗନଗର ଜିଲ୍ଲାରେ ଏହି ଅପରେସନ କରାଯାଇଛି ।
ମନ୍ତ୍ରଣାଳୟ ସୂଚନା ଅନୁଯାୟୀ, ମଧ୍ୟପ୍ରଦେଶର ସତନା, ବାଲାଘାଟ, ନିୱାରୀ, ରାଇସେନ ଏବଂ ଶିବପୁରୀ ଜିଲ୍ଲା ପଙ୍ଗପାଳ ଅପରେସନରେ କୌଣସି ଫସଲରେ କ୍ଷତି ହୋଇନାହିଁ ।
ଏପ୍ରିଲ 11ରୁ ଏବେସୁଦ୍ଧା ମୋଟ 377 ଅଞ୍ଚଳର 53997 ହେକ୍ଟର ଜମିରେ ପଙ୍ଗପାଳ ନିୟନ୍ତ୍ରଣ କାର୍ଯ୍ୟ କରାଯାଇଥିବା ମନ୍ତ୍ରଣାଳୟ କହିଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
