ଭୋପାଳ: ଲକଡାଉନ ହେତୁ ଧୁମଧାମରେ ହେଉଥିବା ବାହାଘର ଏବେ କେବଳ ସୀମିତ ସଂଖ୍ୟକ ଲୋକଙ୍କ ମଧ୍ୟରେ କରାଯାଉଛି । ଯେଉଁଥିରେ ସାମାଜିକ ଦୂରତା ମଧ୍ୟ ସଂପୂର୍ଣ୍ଣ ଭାବେ ପାଳନ କରାଯାଉଛି । ଏହି ସମୟରେ ମଧ୍ୟପ୍ରଦେଶର ଧର ଠାରେ ଅନୁଷ୍ଠିତ ବିବାହର ଏକ ନିଆରା ଦୃଶ୍ୟ ଦେଖିବାକୁ ମିଳିଛି । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଧର ଜିଲ୍ଲାର କୁକ୍ଷି ବିଧାନସଭାର ଗ୍ରାମ ଟେକିରେ ଏହି ବିବାହ ଅନୁଷ୍ଠିତ ହୋଇଥିଲା ଯେଉଁଠାରେ ଭାରତୀ ମଣ୍ଡଲୋଇ ପ୍ରାଣୀ ଚିକିତ୍ସକ ରାଜେଶ ନିଗମଙ୍କୁ ବିବାହ କରିଛନ୍ତି । ଲକଡାଉନ ପାଳନ କରି ସାମାଜିକ ଦୂରତାକୁ ଅନୁସରଣ କରିଥିବା ଦେଖିବାକୁ ମିଳିଛି । ଏହି ବିବାହରେ ସାମାଜିକ ଦୂରତା ଏପରି ଭାବରେ ଅନୁସରଣ କରାଯାଇଥିଲା ଯେ ବର ଏବଂ ବର ପରସ୍ପରକୁ କାଠ ସାହାଯ୍ୟରେ ମାଳ ପିନ୍ଧେଇଥିଲେ ।
ତେବେ ବର ଏବଂ କନ୍ୟାର ଏହି ପଦକ୍ଷେପକୁ ବହୁ ପ୍ରଶଂସା କରାଯାଉଛି । ବର ଭାରତୀ ମଣ୍ଡାଲୋଇଙ୍କ ପିତା ଜଗଦୀଶ ମାଣ୍ଡଲୋଇ କହିଛନ୍ତି ଯେ, ବିବାହ ପୂର୍ବରୁ ଆମେ ମନ୍ଦିରକୁ ସମ୍ପୂର୍ଣ୍ଣ ପରିଷ୍କାର କରିଛୁ।
