ନୂଆଦିଲ୍ଲୀ: ସିଏଏ ବିରୋଧୀ ପ୍ରଦର୍ଶନର 2ଟି ଦୃଶ୍ୟ । ଗୋଟିଏ ସ୍ଥାନରେ ବିକ୍ଷୋଭର ନିଆଁ । ଅନ୍ୟପଟେ ଶାନ୍ତି ଓ ପ୍ରେମର ବାର୍ତ୍ତାର ଅନନ୍ୟ ଦୃଶ୍ୟ । ପ୍ରତିବାଦ ରୋକିବାକୁ ସୁରକ୍ଷାବଳଙ୍କ ସମର୍ଥନରେ ଛିଡା ହୋଇଛନ୍ତି ସାଧାରଣ ଲୋକେ । ଆଇନକୁ ସମ୍ମାନ ଜଣାଇବା ସହ ପୋଲିସ ପ୍ରତି ଦେଖାଇଛନ୍ତି ସହାନୁଭୂତି । ଏପରି କିଛି ଦେଖିବାକୁ ମିଳିଛି ଦିଲ୍ଲାର ଜାଫ୍ରବାଦ ଅଞ୍ଚଳରେ ।
ରାଜଧାନୀରେ ଏହି ଆଇନ ବିରୋଧରେ ସୃଷ୍ଟି ହୋଇଛି ଲଙ୍କାକାଣ୍ଡ । ସିଏଏକୁ ନେଇ ସବୁଠି ତ୍ରୀବ ପ୍ରତିବାଦ କରାଯାଉଛି । ଆଉ ଏହାକୁ ରୋକିବାକୁ ଅହରହ ପ୍ରୟାସ ଜାରି ରଖିଛନ୍ତି ପୋଲିସ କର୍ମଚାରୀ । ଅସମ୍ଭାଳ ଶୀତରେ ଦିଲ୍ଲୀ ଥରୁଥିବାବେଳେ ବିକ୍ଷୋଭର ସ୍ବର ଉଠୁଛି ପଛେ କମୁନି । ଏପରି ସ୍ଥିତିରେ କେତେକ ସାଧାରଣ ଲୋକେ ପୋଲିସ ହାତରେ ଚା' କପ ଧରାଉଥିବା ଦେଖିବାକୁ ମିଳିଛି । ଏପରିକି ତାଙ୍କ ପ୍ରୟାସକୁ ସମ୍ମାନ ଜଣାଇ ଗୋପାଲ ଫୁଲ ମାଧ୍ୟମରେ ଧନ୍ୟବାଦ ଜଣାଇଛନ୍ତି ।
ନାଗରିକତା ସଂଶୋଧନ ଆଇନ ବିରୋଧରେ ଜାରି ରହିଛି ହିଂସାତ୍ମକ ଆନ୍ଦୋଳନ । ଦେଶର ଅଧା ରାଜ୍ୟରେ ଦେଖିବାକୁ ମିଳୁଛି ଏହାର ପ୍ରତିବାଦ । କେବଳ ପ୍ରତିବାଦ ନୁହେଁ ଭଙ୍ଗା ରୁଜା ସହ କରାଯାଉଛି ଜଳାପୋଡା । ଏପରିକି ସିଏଏ ନିଆଁ ଦେଶର ଗୋଟିଏ ସହରରୁ ଆଉ ଗୋଟିଏ ସହରକୁ ଡେଉଁଛି । ଯାହାକୁ ରୋକିବାକୁ ରାସ୍ତାକୁ ଓହ୍ଲାଇଛନ୍ତି ସୁରକ୍ଷାବଳ । ଢେଲା ପଥରକୁ ସାମ୍ନା କରି ଶାନ୍ତି ବଜାୟ ରଖିବାକୁ ପ୍ରୟାସ ଜାରି ରଖିଛନ୍ତି ।
