ବିକାନେର୍: ସୁଧୁରିବାର ନା ଧରୁ ନାହିଁ ପାକିସ୍ତାନ । ବାରମ୍ବାର ସୀମାରେ ଉତ୍ତେଜନା ବୃଦ୍ଧି କରିବାରେ ବ୍ୟସ୍ତ ରହୁଛି ପାକିସ୍ତାନ ଆର୍ମି । ବୁଧବାର ସକାଳେ ରାଜସ୍ଥାନର ବିକାନେର୍ ସହର ଠାରୁ ପଶ୍ଚିମରେ ପ୍ରାୟ ୧୩ କିଲୋମିଟର ଦୂର ବାୟୁସେନାର ନାଲ୍ ଏୟାର୍ବେସ୍ ନିକଟରେ ଗୋଟାଏ ଅଫୁଟା ମୋର୍ଟାର୍ ବୋମା ଠାବ କରାଯାଇଛି।
ଏହି ବୋମା ଉଦ୍ଧାର ପରେ ଭାରତୀୟ ବାୟୁସେନା ଅଧିକାରୀ ଏବଂ ପୁଲିସ ଘଟଣାସ୍ଥଳରେ ପହଞ୍ଚି ମାମଲାର ଯାଞ୍ଚ କରୁଛି ।
ସୂଚନା ଯୋଗ୍ୟ ଯେ ରବିବାର ବିଳମ୍ବିତ ରାତିରେ ପଞ୍ଜାବ ସୀମାନ୍ତରେ ପାକିସ୍ତାନର ୪ଟି ଏଫ୍-୧୬ ପସି ଆସିଥିଲା । ପାକିସ୍ତାନ ବିମାନ ଘଉଡ଼ାଇବାକୁ ଭାରତୀୟ ବାୟୁସେନା ସୁଖୋଇ-୩୦ ଓ ମିରେଜ୍ ୨୦୦୦ ବିମାନକୁ ନିୟୋଜିତ କରିଥିଲା ।
