ପାଟନା: ବିହାର ବିଧାନସଭା ନିର୍ବାଚନରେ ବିଜେପି ଦ୍ବିତୀୟ ପର୍ଯ୍ୟାୟ ଷ୍ଟାର ପ୍ରଚାରକ ତାଲିକା ଜାରି କରିଛି । ଦଳର ଷ୍ଟାର ପ୍ରଚାରକ ଭାବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରହିଛନ୍ତି । ଏହି ତାଲିକାରେ 30 ଜଣ ନେତାଙ୍କ ନାମ ଘୋଷଣା କରାଯାଇଛି ।
ବିଜେପିର ଏହି ଷ୍ଟାରପ୍ରଚାରକ ତାଲିକାରେ ପ୍ରଧାନମନ୍ତ୍ରୀ ମୋଦିଙ୍କ ସହ ଅମିତ ଶାହ, ଜେପି ନଡ୍ଦା, ଗିରିରାଜ ସିଂ,ସ୍ମୃତି ଇରାନୀଙ୍କ ସହ ବିଜେପିର ବିଭିନ୍ନ କେନ୍ଦ୍ରମନ୍ତ୍ରୀ ଓ ଦଳୀୟ ନେତା ସାମିଲ କରାଯାଇଛି । ଏହି ପ୍ରଚାରକ ତାଲିକାରେ ବିଜେପି ମୁଖପାତ୍ର ସାହନୱାଜ ହୁସେନ ଓ ସାଂସଦ ରାଜୀବ ପ୍ରତାପ ରୁଢୀଙ୍କୁ ସାମିଲ କରାଯାଇଛି । ଏହା ପୂର୍ବରୁ ଘୋଷଣା କରାଯାଇଥିବା ପ୍ରଥମ ପର୍ଯ୍ୟାୟ ତାଲିକାରେ ଦୁଇ ଜଣଙ୍କ ନାମକୁ ବାଦ ଦିଆଯାଇଥିଲା ।
ବ୍ୟୁର ରିପୋର୍ଟ,ଇଟିଭି ଭାରତ
