ହାଇଦ୍ରାବାଦ: ଗ୍ରୀଷ୍ମ ଋତୁରେ ଲେମ୍ବୁ, ନଡ଼ିଆ ପାଣି ଏବଂ ଆହୁରି ଅନେକ ପାନୀୟ ପିଆଯାଇଥାଏ । ଲେମ୍ବୁ ପାଣି ଅନେକ ଲୋକଙ୍କ ପ୍ରିୟ ପାନୀୟ । ଏହା ଏକ ହାଇଡ୍ରେଟିଂ ପାନୀୟ ଅଟେ । ଯାହା ଭିଟାମିନ୍ ସିରେ ପରିପୂର୍ଣ୍ଣ । ଆପଣ ଏହାକୁ ଆପଣଙ୍କର ଦୈନନ୍ଦିନ ପାନୀୟରେ ଅନ୍ତର୍ଭୁକ୍ତ କରିପାରିବେ। ଲେମ୍ବୁ ପାଣି ପ୍ରସ୍ତୁତ କରିବାକୁ, ଆପଣଙ୍କୁ କେବଳ ଏକ ଗ୍ଲାସ୍ ଥଣ୍ଡା ପାଣି, କିଛି ସତେଜ ଲେମ୍ବୁ ଏବଂ କିଛି କଳା ଲୁଣ ବା ବ୍ଲାକ ସଲ୍ଟ ଦରକାର । ଏହା ଏକ କମ୍ କ୍ୟାଲୋରୀ ଯୁକ୍ତ ଓ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିଥାଏ ଯାହାକୁ ଆପଣ ପ୍ରତିଦିନ ପିଇପାରିବେ । ଯେପର୍ଯ୍ୟନ୍ତ ଏହି ପାନୀୟ ଆପଣଙ୍କୁ ସୁଟ କରୁଛି ଆପଣ ଏହାକୁ ପିଇପାରିବେ । କିନ୍ତୁ ଏହା ନୁହେଁ ଯେ କେବଳ ଲେମ୍ବୁ ପିଇବାର ସ୍ୱାସ୍ଥ୍ୟ ଉପକାର ଅଛି, ଲେମ୍ବୁ ପାଣିର ଅଧିକ ଗ୍ରହଣ କରିବା ଦ୍ବାରା ମଧ୍ୟ ସାଇଡଇଫେକ୍ଟ ମଧ୍ୟ ରହିଛି । ଆସନ୍ତୁ ଜାଣିବା ଲେମ୍ବୁ ପାଣି ପିଇବାର ସୁବିଧା ଏବଂ ଅସୁବିଧା ବିଷୟରେ...
1. ଆପଣ ଆରାମରେ ଲେମ୍ବୁ ପାଣି ପିଇପାରିବେ । ଅଧା ଲେମ୍ବୁରୁ ବାହାର କରାଯାଇଥିବା ଲେମ୍ବୁ ରସରେ ପ୍ରାୟ 5 କ୍ୟାଲୋରୀ ଥାଏ । ପାଣିରେ କୌଣସି କ୍ୟାଲୋରୀ ନଥାଏ । ଆପଣ ଏହି ପାନୀୟକୁ ଓଜନ ହ୍ରାସକାରୀ ଖାଦ୍ୟ ବା ଡାଏଟ ଫୁଡରେ ଅନ୍ତର୍ଭୁକ୍ତ କରିପାରିବେ ।
2. ଲେମ୍ବୁ ଜଳ ଏକ ପ୍ରତିରକ୍ଷା ପ୍ରଣାଳୀ ବା ଇମ୍ୟୁନିଟି ସିଷ୍ଟ ବୁଷ୍ଟର ଭାବରେ କାର୍ଯ୍ୟ କରିଥାଏ । ଏଥିରେ ଭିଟାମିନ୍ ସି ଏବଂ ଅନ୍ୟାନ୍ୟ ପୋଷକ ତତ୍ତ୍ୱ ରହିଥାଏ ଯାହା ଆପଣଙ୍କ ଶରୀରର ପ୍ରତିରକ୍ଷାକୁ ବଢାଇପାରେ ।
3. ଲେମ୍ବୁ ଏସିଡ୍ କିଛି ଲୋକଙ୍କ ପେଟ ପାଇଁ ଅନୁକୂଳ ହୋଇପାରେ । ଏହା ହଜମ ପ୍ରକ୍ରିୟାରେ ଉନ୍ନତି ଆଣିବାରେ ସାହାଯ୍ୟ କରିଥାଏ ।
4. ଏକ ଗ୍ଲାସ୍ ଲେମ୍ବୁ ମଧ୍ୟ ଆପଣଙ୍କୁ କିଛି ପୋଟାସିୟମ୍ ଯୋଗାଇପାରେ । ଏହି ଖଣିଜ ପଦାର୍ଥ ଆପଣଙ୍କ ହାର୍ଟ, କିଡନୀ, ମାଂସପେଶୀ ଏବଂ ସ୍ନାୟୁ ପାଇଁ ଲାଭଦାୟକ ହୋଇପାରେ ।
ଆପଣ ଏକ ଗ୍ଲାସ୍ ଲେମ୍ବୁ ସହିତ ଆପଣଙ୍କ ଦିନ ଆରମ୍ଭ କରିପାରିବେ । ଏହା ଆପଣଙ୍କୁ ହାଇଡ୍ରେଟ୍ କରିବ ଏବଂ ଓଜନ ହ୍ରାସ କରିବାରେ ମଧ୍ୟ ସାହାଯ୍ୟ କରିବ । ଲେମ୍ବୁ ପାଣି ଅତି ସାଧାରଣ ମନେହୁଏ ସତ କିନ୍ତୁ ଏହାର ସ୍ୱାସ୍ଥ୍ୟ ଉପକାର ଅନେକ ।
ତଥାପି, ଏପରି କିଛି ଲୋକ ଅଛନ୍ତି, ଯେଉଁମାନଙ୍କ ଶରୀରରେ ଲେମ୍ବୁ ପାଣିର ଭିନ୍ନ ପ୍ରତିକ୍ରିୟା ଦେଖାଦେଇଥାଏ । ଏହା ଅମ୍ଳତା ବୃଦ୍ଧି କରି ହଜମ ଜନିତ ସମସ୍ୟା ସୃଷ୍ଟି କରିପାରେ । ଦିନସାରା ଅଧିକ ଲେମ୍ବୁ ପାଣି ପିଇବା ଦ୍ବାରା ଦାନ୍ତର ଏନେମେଲ ନଷ୍ଟ ହୋଇପାରେ। ଏହାର କାରଣ ହେଉଛି ଲେମ୍ବୁ ଅମ୍ଳୀୟ ଅଟେ ।
