ଥିରୁଅନନ୍ତପୁରମ୍: କେରଳ ମାଲାପୁରମ୍ରେ ଅଘଟଣ । ଝରଣାରେ ଭାସି ଗୋଟିଏ ପରିବାରର 3 ମୃତ । 2 ଉଦ୍ଧାର । ହଠାତ୍ ଝରଣା ପାଣି ପ୍ରଖର ହେବାରୁ ଭାସି ଯାଇ ତିନି ଜଣଙ୍କ ମୃତ୍ୟୁ ହୋଇଥିବା ସୂଚନା ।
ଭିଡିଓ ସୌଜନ୍ୟ: ଇଟିଭି ବ୍ୟୁରୋ
ମୃତକ ଗୋଟିଏ ପରିବାରର ୟୁସୁଫ, ଜୁଭାରିଆ ଓ ସାତ ମାସର ଶିଶୁ ଅବିହା ବୋଲି ଜଣାପଡିଛନ୍ତି । ସେପଟେ ୟୁସୁଫର ପତ୍ନୀ ଓ ଜୁଭାରିଆର ପୁଅ ଭାସି ଯାଇଥିଲେ ମଧ୍ୟ ସ୍ଥାନୀୟ ଲୋକେ ଦୁହିଁଙ୍କୁ ଉଦ୍ଧାର କରିବାରେ ସଫଳ ହୋଇଛନ୍ତି ।
ଉଦ୍ଧାର ପରେ ସେମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି । ଏହି ଦୁର୍ଘଟଣା ଶନିବାର ଅପରାହ୍ନରେ ଘଟିଛି । ପରିବାର ଲୋକେ ଝରଣା ବୁଲିବାକୁ ଯାଇଥିବାବେଳେ ଏପରି ଅଘଟଣ ଘଟିଥିବା ଜଣାପଡିଛି ।
