ଥିରୁଅନନ୍ତପୁରମ: କେରଳ ସୁନା ଚୋରା ଚାଲାଣ ମାମଲାର ପ୍ରଥମ ଅଭିଯୁକ୍ତ ସରିଥ କୁମାରଙ୍କୁ ବୁଧବାର କୋର୍ଟରେ ହାଜର କରାଯିବ । ସରିଥଙ୍କ ହେପାଜତ ଆଜି ଶେଷ ହେବ । ତେବେ ସରିଥ ଆଜି ଅପରାହ୍ନ 5 ଟା ପର୍ଯ୍ୟନ୍ତ ଜେଲରେ ରହିବେ। ଏହା ମଧ୍ୟରେ ସରିଥଙ୍କ ଠାରୁ ଯଥାସମ୍ଭବ ତଥ୍ୟ ସଂଗ୍ରହ କରିବାକୁ ଲାଗିପଡିଛି କଷ୍ଟମ ବିଭାଗ ।
ତେବେ କଷ୍ଟମ ବିଭାଗ ପୂର୍ବତନ ମୁଖ୍ୟମନ୍ତ୍ରୀଙ୍କ ମୁଖ୍ୟ ଶାସନ ସଚିବ ଶିବଶଙ୍କରଙ୍କ ଠାରୁ ମିଳିଥିବା ସୂଚନାକୁ ନେଇ ସରିଥଙ୍କୁ ଜେରା କରିବ ବୋଲି ଜଣାପଡିଛି । ଉଭୟ 14 ଥର ଫୋନ୍ରେ ଯୋଗାଯୋଗ କରିଥିଲେ । ଏନେଇ ସରିଥଙ୍କୁ ପଚାରାଉଚରା କରାଯିବ ।
କେରଳର ଥିରୁବନନ୍ତପୁରମ ଅନ୍ତର୍ଜାତୀୟ ବିମାନବନ୍ଦରରୁ ବିପୁଳ ମାତ୍ରାରେ ସୁନା ଜବତ କରାଯାଇଥିଲା । ଥିରୁବନନ୍ତପୁରମ ଅନ୍ତର୍ଜାତୀୟ ବିମାନବନ୍ଦରରେ ଏୟାର କାର୍ଗୋ ମାଧ୍ୟମରେ ପରିବହନ ହେଉଥିବା ସାମଗ୍ରୀରେ ୩୦ କିଲୋଗ୍ରାମରୁ ଅଧିକ ସୁନା ଜବତ କରାଯାଇଥିଲା । ଏହି ସୁନା ଚୋରା ଚାଲାଣ ପଛରେ ଏମିତି ଜଣେ ମହିଳାଙ୍କ ନାମ ସାମ୍ନାକୁ ଆସିଛି ଯାହାକୁ ନେଇ କେରଳ ରାଜନୀତିରେ ହଟଚମଟ ଦେଖାଦେଇଛି । ଏହି ମାମଲାରେ କଷ୍ଟମ ବିଭାଗ କେତେଜଣଙ୍କୁ ଗିରଫ କରି ପଚାରାଉଚାରା ଜାରି ରଖିଛି ।
.
