ଥିରୁବନନ୍ତପୁରମ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର କେରଳ ଗସ୍ତରେ ଯାଇଛନ୍ତି । ମୋଦି ଦ୍ବିତୀୟ ଇନିଂସ ଆରମ୍ଭ କରିବା ପରେ ପ୍ରଥମ ଥର କେରଳ ଯାଇଛନ୍ତି । ସେଠାରେ ପହଞ୍ଚିବା ପରେ ମୋଦି କହିଛନ୍ତି, ବାରଣାସୀ ଭଳି କେରଳ ମୋର ଅତି ନିଜର ଓ ପ୍ରିୟ ।
କେରଳରେ ବିଜେପି ଖାତା ଖୋଲିନଥିଲେ ମଧ୍ୟ ମୋଦି କେରଳବାସୀଙ୍କୁ ଧନ୍ୟବାଦ ଜଣାଇଛନ୍ତି । ଗୁରୁବାୟୁରରେ ଏକ ଜନସଭାକୁ ସମ୍ବୋଧନ କରି ସେ ନିଜର ମତ ରଖିଛନ୍ତି । ଜନାତା ଜନାର୍ଦ୍ଦନ ଇଶ୍ବରଙ୍କ ରୂପ ହୋଇଥାନ୍ତି । ରାଜନୈତିକ ଦଳ ଜନତାଙ୍କ ମିଜାଜ ଜାଣିପାରିଲେ ନାହିଁ କିନ୍ତୁ ଜନତା ବିଜେପିକୁ ଆଶୀର୍ବାଦ କରିଛନ୍ତି ।
ମୁଁ ରାଜନୀତିରେ ଦେଶ ଗଢିବାକୁ ଚାହେଁ, ସରକାର ଗଢିବାକୁ ନୁହେଁ । ମୁଁ କେବଳ ଜନସେବା କରିବି । ସେମାନଙ୍କ ପାଇଁ ମୁଁ ନିଜକୁ ସମ୍ପୂର୍ଣ୍ଣରୂପେ ସମର୍ପି ଦେଇଛି ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦି ।
