ଶ୍ରୀନଗର: କାଶ୍ମୀରରେ ଅନନ୍ତନାଗର ବିଜହରା ଅଞ୍ଚଳରେ ସୁରକ୍ଷାବଳଙ୍କ ଗୁଳିରେ 3 ଆତଙ୍କବାଦୀ ଟଳି ପଡିଛନ୍ତି । ହିଜବୁଲ ମୁଜାହିଦ୍ଦିନ ସଙ୍ଗଠନ ସହ ଜଡିତ ଏହି ଆତଙ୍କବାଦୀ କମାଣ୍ଡର ନାସିର ଚଦ୍ରୁର ମଧ୍ୟ ମୃତ୍ୟୁ ହୋଇଛି ।
ବୁଧବାର ସକାଳୁ ଉଭୟ ପକ୍ଷରୁ ଗୁଳି ବିନିମୟ ଆରମ୍ଭ ହୋଇଛି । ଏହି ଆତଙ୍କବାଦୀଙ୍କୁ ଘେରାବନ୍ଦୀ କରାଯାଇଥିଲା । ଗତକାଲି ଏଲଓସି ନିକଟବର୍ତ୍ତୀ ପୁଞ୍ଚ ଅଞ୍ଚଳରେ ଆତଙ୍କବାଦୀଙ୍କ ପଟୁ ଆକ୍ରମଣ ହୋଇଥିଲେ । ଯେଉଁଥିରେ ଜଣେ ମହିଳାଙ୍କ ମୃତ୍ୟୁ ଘଟିଥିଲା। ଗତକାଲି ସକାଳେ କ୍ବାସବା ଓ କିରଣୀ ସେକ୍ଟରରେ ପ୍ରଥମେ ଛୋଟ ଅସ୍ତ୍ରରେ ଆକ୍ରମଣ ସହ ମୋର୍ଟାର ମାଡ କରିଥିଲା ପାକିସ୍ତାନ ସେନା। ବିଗତ ତିନି ଧରି ପାକିସ୍ତାନ ଜନବସତି ଅଞ୍ଚଳକୁ ଟାର୍ଗେଟ କରୁଥିବା ନେଇ ଜଣାଇଛି ବିଏସଏଫ।
