ଚେନ୍ନାଇ: ଶେଷ ହୋଇଛି ମତଦାନ ମହାପର୍ବ । ଆରମ୍ଭ ହୋଇଯାଇଛି ଆକଳନ । ବିଭିନ୍ନ ମିଡିଆ ପକ୍ଷରୁ ବିଭିନ୍ନ ମତ ପ୍ରକାଶ ପାଉଥିବା ବେଳେ ରାଜନେତାଙ୍କୁ ନେଇ ମିଡିଆଙ୍କର ଅନେକ ପ୍ରଶ୍ନ । ଏଭଳି ସମୟରେ ମିଡିଆଙ୍କ ଉପରେ ବର୍ଷିଛନ୍ତି କର୍ଣ୍ଣାଟକ ମୁଖ୍ୟମନ୍ତ୍ରୀ କୁମାର ସ୍ବାମୀ ।
ଏକ କାର୍ଯ୍ୟକ୍ରମରେ କୁମାର ସ୍ବାମୀ ଯୋଗ ଦେବାକୁ ଯାଇଥିବା ବେଳେ ମିଡିଆଙ୍କ ଉପରେ ଖୁବ ବର୍ଷିଛନ୍ତି । ତମେମାନେ କିଏ, ଆଉ କାହିଁକି ଆମମାନଙ୍କ ନାଁ ନେଇ ଏପରି ଅପପ୍ରଚାର କରୁଛି ବୋଲି ସେ ମିଡିଆକୁ ପ୍ରଶ୍ନ କରିଛନ୍ତି । ଏପରିକି ସେ ଏହାକୁ ନେଇ ଏକ ମାମଲା ରୁଜୁ କରିବେ ବୋଲି ମଧ୍ୟ କହିଛନ୍ତି ।
ତେବେ ତାଙ୍କ ରାଗ ଏତିକିରେ ଥମି ନାହିଁ । ସେ ଆହୁରି ମଧ୍ୟ କହିଛନ୍ତି ରାଜନେତାମାନଙ୍କୁ ତମେମାନେ କଣ ବିଚାର କର ? ଭାବୁଛ ଆମର କୌଣସି କାମଧନ୍ଦା ନାହିଁ । ଆମେମାନେ କଣ ତୁମମାନଙ୍କୁ କାର୍ଟୁନ ପରି ଲାଗୁଛୁ ନା କଣ ? ଆମମାନଙ୍କୁ ନେଇ ଏଭଳି କରିବାକୁ କିଏ ତମକୁ ଅଧିକାର ଦେଇଛି ବୋଲି ମିଡିଆକୁ ପ୍ରଶ୍ନ କରିଛନ୍ତି କୁମାର ସ୍ବାମୀ ।
