ବେଙ୍ଗାଲୁରୁ: କର୍ଣ୍ଣାଟକ ମୁଖ୍ୟମନ୍ତ୍ରୀ ବିଏସ ୟେଦେୟୁରପ୍ପା ଆଜି(ଗୁରୁବାର) ବେଙ୍ଗାଲୁରୁରେ ଏକ ମୋବାଇଲ୍ କୋଭିଡ-19 ପରୀକ୍ଷା ବୁଥ ଉଦଘାଟନ କରିଛନ୍ତି । ଏହି ମୋବାଇଲ ବୁଥଗୁଡ଼ିକ ବେଙ୍ଗାଲୁରୁର ସମସ୍ତ ୱାର୍ଡରେ କୋରୋନା ଭାଇରସ ପାଇଁ ନମୁନା ନେବା କାମ ଆରମ୍ଭ କରିବେ ।
ରାଜ୍ୟରେ କୋରୋନା ଆକ୍ରାନ୍ତ ବୃଦ୍ଧିକୁ ରୋକିବା ଓ ସନ୍ଦିଗ୍ଧଙ୍କ ରକ୍ତ ନମୂନା ପରୀକ୍ଷା କରିବା ପାଇଁ ସରକାର ଏପରି ପଦକ୍ଷେପ ନେଇଛନ୍ତି । ଏହି ମୋବାଇଲ୍ କୋଭିଡ-19 ପରୀକ୍ଷା ବୁଥ ସ୍ଥାପନ ଦ୍ବାରା କୋରୋନା ଭାଇରସ ପାଇଁ ନମୁନା ସଂଗ୍ରହ କରିବାରେ ଆଉ ଟିକେ ସହଜ ହେବ ।
ସୂଚନାମୁତାବକ, ରାଜ୍ୟରେ ଏବେସୁଦ୍ଧା କୋରୋନା ଆକ୍ରାନ୍ତଙ୍କ ସଂଖ୍ୟା 313ରେ ପହଞ୍ଚି ଥିବାବେଳେ ଏଥିରେ 13 ଜଣଙ୍କର ପ୍ରାଣହାନୀ ଘଟିଛି । ଏହାସହ 80 ଜଣ ସୁସ୍ଥ ହୋଇ ଡିସଚାର୍ଜ ହୋଇଥିବାବେଳେ ସମୂଦାୟ 220 ଜଣ ସକ୍ରିୟ ଅଛନ୍ତି ।
