ବେଙ୍ଗାଲୁରୁ: କର୍ଣ୍ଣାଟକର 15 ବିଧାନସଭା ଆସନ ପାଇଁ ଚଳିତମାସ 5ରେ ହୋଇଥିବା ଉପ-ନିର୍ବାଚନର ଭୋଟ ଗଣତି ଜାରି ରହିଛି । ଆଜିର ଏହି ଫଳାଫଳ ମୁଖ୍ୟମନ୍ତ୍ରୀ ୟେଦୁରପ୍ପା ସରକାରଙ୍କ ଭବିଷ୍ୟତ ନିର୍ଦ୍ଧାରଣ କରିବ । ତେବେ ନିର୍ବାଚନ ଆୟୋଗଙ୍କ କହିବାନୁସାରେ, ବର୍ତ୍ତମାନ ସୁଦ୍ଧା ହୋଇଥିବା ଭୋଟ ଗଣତି ଅନୁଯାୟୀ ବିଜେପି 10 ଏବଂ କଂଗ୍ରେସ 2 ଆସନରେ ଆଗୁଆ ରହିଛି । ସେହିପରି ଜେଡିଏସ 2 ଆସନରେ ଆଗୁଆ ରହିଥିବାବେଳେ ଅନ୍ୟାନ୍ୟ 1 ଆସନରେ ଆଗୁଆ ରହିଛନ୍ତି ।
ଭିଡିଓ ସୌଜନ୍ୟ: ଇଟିଭି ଭାରତ
ଶିବାଜୀନଗର ବିଧାନସଭା ଆସନରେ କଂଗ୍ରେସର ରିଜୱାନ ଅରସଦ ଆଗୁଆ ଥିବା ଜଣାପଡିଛି । ସକାଳୁ 8 ରେ ଆରମ୍ଭ ହୋଇଥିବା ଏହି ଭୋଟ ଗଣତିର ଚୁଡାନ୍ତ ଫଳାଫଳ ଅପରାହ୍ନ ସୁଦ୍ଧା ଆସିବାର ସମ୍ଭାବନା ରହିଛି ।
