ରାଞ୍ଚି: ଝାଡ଼ଖଣ୍ଡର ଆଦିବାସୀଙ୍କ ପ୍ରମୁଖ ପର୍ବ ହେଉଛି କର୍ମା ପର୍ବ । ଏହି ପର୍ବ ଆଦିବାସୀଙ୍କ ପାଇଁ ବିଶେଷ ମହତ୍ତ୍ବ ରଖେ । ସେମାନଙ୍କ ଜୀବନଶୈଳୀ ଓ ସଂସ୍କୃତି ପରମ୍ପରାରେ ଏହି ପର୍ବ ଏକ ପ୍ରମୁଖ ଭୁମିକା ଗ୍ରହଣ କରିଥାଏ । ସେପ୍ଟେମ୍ବର ମାସରେ ପାଳନ କରାଯାଉଥିବା ଏହି ପର୍ବରେ ଆଦିବାସୀ ସମ୍ପ୍ରଦାୟର ଲୋକ କରମା ଗଛର ଡାଳ ପତ୍ରର ପୂଜାର୍ଚ୍ଚନା କରିଥାନ୍ତି । ଏହା ବ୍ୟତୀତ ଏହି ପୂଜା ଅବସରରେ ମହିଳା ଓ ଝିଅ ସେମାନଙ୍କ ଭାଇ ପାଇଁ ବ୍ରତ ଧାରଣ କରିଥାନ୍ତି।
ଆଦିବାସୀ ସମ୍ପ୍ରଦାୟ ସହିତ ରାଜ୍ୟର ଅନ୍ୟ ସମ୍ପ୍ରଦାୟର ଲୋକେ ମଧ୍ୟ ବେଶ ହର୍ଷୋଲ୍ଲାସରେ ପାଳନ କରିଥାନ୍ତି । ଏହି ପର୍ବରେ ଭେଲଓ୍ବା ନାମକ ଏକ ଗଛର ଡ଼ାଳ ଓ ପତ୍ର ପୂଜା କରିଥାନ୍ତି । ଏହି ଗଛର ଡାଳ ଓ ପତ୍ର ପୂଜା ନ କଲେ, ପୂଜା ସମ୍ପୂର୍ଣ୍ଣ ହୋଇ ନଥାଏ ବୋଲି ବିଶ୍ବାସ ରହିଛି । ଏହି ପୂଜା ଦିନ ଆଦିବାସୀଙ୍କ ଘର ଆଗରେ ଏହାକୁ ରଖି ପୂଜା କରାଯାଇଥାଏ।
ଏହି ଡାଳ ଓ ପତ୍ର ପୂଜା ପରେ ଏହାକୁ ଘର ଆଗରେ ଏବଂ ଚାଷ ଜମିରେ ଲଗାଇ ଦିଆଯାଇଥାଏ । ବିଶ୍ବାସ ରହିଛି ଏପରି କରିବା ଦ୍ବାରା କୌଣସି ପ୍ରକାର କୁ ଦୃଷ୍ଟି ପଡ଼ିନଥାଏ । ସେପଟେ ଏହି ଡାଳ ଓ ପତ୍ର ସହଜରେ ମିଳୁନଥିବାରୁ ଏହାକୁ ବଜାରରେ ବିକ୍ରି କରାଯାଇଥାଏ । ଏହି ଗଛର ପତ୍ରର ଦାମ ପାଖାପାଖି 10 ଟଙ୍କାରୁ 30 ଟଙ୍କା ପର୍ଯ୍ୟନ୍ତ ହୋଇଥାଏ।
