ନୂଆଦିଲ୍ଲୀ: ଜବାହାରଲାଲ ନେହେରୁ ବିଶ୍ବବିଦ୍ୟାଳୟର ଛାତ୍ର ସଙ୍ଗଠନ ଅରବିନ୍ଦ କେଜ୍ରିୱାଲଙ୍କ ସରକାରଙ୍କୁ ନିନ୍ଦା କରିଛି । କହ୍ନେୟା କୁମାରଙ୍କ ବିରୋଧରେ ଦେଶଦ୍ରୋହ ମାମଲା ପ୍ରକ୍ରିୟା ଆରମ୍ଭ ହେବା ପରେ ଏହାକୁ ବିରୋଧ କରିଛି ଛାତ୍ର ସଙ୍ଗଠନ । କହ୍ନେୟା କୁମାର ଜେଏନୟୁ ଛାତ୍ର ସଙ୍ଗଠନର ପୂର୍ବ ଅଧ୍ୟକ୍ଷ ଥିଲେ । 2016ରେ ଦେଶଦ୍ରୋହ ନାରା ଦେଇ ବିବାଦ ଘେରରେ ଫସିଥିଲେ କହ୍ନେୟା କୁମାର ।
ଫେବୃଆରୀ 20ରେ ଦିଲ୍ଲୀ ସରକାର କହ୍ନେୟା କୁମାରଙ୍କ ବିରୋଧରେ ମାମଲା ପ୍ରକ୍ରିୟା ଆରମ୍ଭ କରିଛନ୍ତି । ଛାତ୍ର ସଙ୍ଗଠନ ଟ୍ବିଟ କରି ଲେଖିଛନ୍ତି ‘ଆପକୁ ନିନ୍ଦା କରାଯାଉଛି । କ୍ଷୀଣସ୍ଥୀୟ ରାଜନୀତି ଲାଭ ଉଦ୍ଦେଶ୍ୟରେ ଏପରି କରିବା ଏକ ଲଜ୍ଜାର ବିଷୟ । କାପୁରୁଷ ରାଜନୀତି ଚାଲିବ ନାହିଁ । ’ଅନ୍ୟ ଏକ ଟ୍ବିଟ କରି ଲେଖିଛନ୍ତି,‘ ଗ୍ରୀନଲାଇଟିଂ ଅଭିଯୋଜନାର ସମର୍ଥନ, ସମ୍ବେଦନଶୀଳ ମିଥ୍ୟା ଭିଡିଓ, 370 ଉଚ୍ଛେଦକୁ ସମର୍ଥନ, ସିଏଏ-ଏନଆରସିରେ ନିରବତା, ଦଳିତ ଓ ମୁସଲିମଙ୍କୁ ସହାୟତା ନକରିବା ଆଦିକୁ ନିନ୍ଦା । ’
ଗତ ବର୍ଷ ଦିଲ୍ଲୀ ପୋଲିସ କହ୍ନେୟା କୁମାରଙ୍କ ବିରୋଧରେ ଏକ ଚାର୍ଜସିଟ୍ ଦାଖଲ କରିଥିଲା । ଏଥିରେ ପୂର୍ବ ଜେଏନୟୁ ଛାତ୍ର ଉମର ଖାଲିଦ୍, ଅନିର୍ବାନ ଭଟ୍ଟାଚାର୍ଯ୍ୟଙ୍କ ନାମ ମଧ୍ୟ ସାମିଲ ଥିଲା । ପ୍ରକାଶଥାଉକି, ସଂସଦ ଆକ୍ରମଣରେ ସାମିଲ ଥିବା ମାଷ୍ଟରମାଇଣ୍ଡ ଅଫଜଲ ଗୁରୁକୁ ଫାଶୀ ଦେବା ମାମଲାରେ ଆୟୋଜିତ ହୋଇଥିବା ଏକ ରାଲିରେ ଦେଶବିରୋଧୀ ନାରା ଦେଇଥିଲେ କହ୍ନେୟା କୁମାର ।
PTI ଇନପୁଟ ସହ ବ୍ୟୁରୋ ରିପୋର୍ଟ, ଇଟିଭି ଭାରତ
