ରାଞ୍ଚି: ଝାଡଖଣ୍ଡର ଦୁମକାରେ ପୋଲିସ ଏବଂ ନକ୍ସଲଙ୍କ ମଧ୍ୟରେ ଗୁଳିବିନିମୟ ଘଟିଛି । ଏଥିରେ ଏସଏସବିର ଜଣେ ଯବାନ ଶହୀଦ ହୋଇଥିବା ବେଳେ ଅନ୍ୟ 4 ଜଣ ଯବାନ ଆହତ ହୋଇଛନ୍ତି । ତେବେ ଏହି ଏନକାଉଣ୍ଟରରେ 5 ନକ୍ସଲ ନିହତ ହୋଇଥିବା ସୂଚନା ରହିଛି । ଗମ୍ଭୀର ରୂପେ ଆହତ ଯବାନଙ୍କୁ ହେଲିକେପ୍ଟର ଯୋଗେ ରାଞ୍ଚି ପଠାଯାଇଥିବା ବେଳେ ସାଧାରଣ ଆହତ ଯବାନଙ୍କୁ ଦୁମକାର ସଦର ଡାକ୍ତରଖାନାରେ ଭର୍ତ୍ତି କରାଯାଇଛି ।
ସୂଚନା ମୁତାବକ, ନକ୍ସଲଙ୍କ ବିରୋଧରେ ପୋଲିସ ଏବଂ ଏସଏସବି ଯବାନଙ୍କ ମିଳିତ ଅପରେଶନ ଚାଲିଥିଲା । 12 ରୁ 15 ନକ୍ସଲ ଗତ 3-4 ଦିନ ଧରି ଏହି ଅଞ୍ଚଳରେ ଲୁଚି ରହିଥିବା ଖବର ମିଳିବା ପରେ ଏହି ଅପରେଶନ ଆରମ୍ଭ ହୋଇଥିଲା ।
ତେବେ ନକ୍ସଲୀ ଆକ୍ରମଣରେ ଶହୀଦ ହୋଇଥିବା ଯବାନ ଜଣକ ଆସାମର ନୀରଜ କ୍ଷେତ୍ରୀ ବୋଲି ଜଣା ପଡିଛି ।
