ଟୋକିଓ: ଭୂକମ୍ପରେ ଥରିଲା ଜାପାନ । ରିକ୍ଟର ସ୍କେଲରେ ତୀବ୍ରତା 6.3 ବୋଲି ଆକଳନ କରାଯାଇଛି । ତେବେ ଏହି ଶକ୍ତିଶାଳୀ ଭୂକମ୍ପ ଜାପାନର ବେଶ ପରିଚିତ ଆୟାରଲ୍ୟାଣ୍ଡ ହନସୁରେ ହୋଇଥିବା ପାଣିପାଗ ବିଭାଗ ପକ୍ଷରୁ ଆକଳନ କରାଯାଇଛି। ଏବେ ଯାଏଁ ସୁନାମିର ସତର୍କତା ଜାରି କରାଯାଇ ନାହିଁ । ଏହି ଭୂକମ୍ପର କେନ୍ଦ୍ରସ୍ଥଳ ଦକ୍ଷିଣ ହନସୁ ଠାରୁ ପାଖାପାଖି 375.8 ଗଭୀରତାରେ ସୃଷ୍ଟି ହୋଇଥିଲା ।
ଖବର ଅନୁଯାୟୀ, ଗତ ମାସରେ ଜାପାନର ନୀଗାତା ଓ ୟାମାଗାତାରେ 6.5 ତୀବ୍ରତାର ଶକ୍ତିଶାଳୀ ଭୂକମ୍ପ ଅନୂଭୁତ ହୋଇଥିଲା । ଏନେଇ ଦେଶରେ ସୁନାମି ସତର୍କ ସୂଚନା ଜାରି କରାଯିବା ସହ 1000ରୁ ଅଧିକ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରାଯାଇଛି ।
ଏହାପୂର୍ବରୁ ସେପ୍ଟେମ୍ବରରେ ଉତ୍ତର ଜାପାନର ହୋକାଇଡୋ ଦ୍ବୀପରେ ଭୂକମ୍ପ ଅନୁଭୂତ ହୋଇଥିଲା । ରିକ୍ଟର ସ୍କେଲରେ ଯାହାର ତୀବ୍ରତୀ 6.7 ଥିଲା ବୋଲି ପାଣିପାଗ ବିଭାଗ ସୂଚନା ଦେଇଥିଲା। ଏହି ଭୂସ୍ଖଳନରେ ପାଖାପାଖି 40 ଜଣ ଲୋକଙ୍କ ମୃତ୍ୟୁ ହୋଇଥିଲା।
ପ୍ରକାଶ ଯେ, ଜାପାନ 4ଟି ଟେକଟୋନିକ ପ୍ଲେଟ ଓ ଲିଥୋସ୍ଫିୟରରେ ମଧ୍ୟରେ ଅବସ୍ଥିତ। ତେଣୁ ବର୍ଷରେ ଅନେକ ଥର ଏହା ଭୂକମ୍ପର ସାମନା କରିଥାଏ।
