ଶ୍ରୀନଗର: ସାମ୍ବାଦିକ ସମ୍ମିଳନୀ ମଧ୍ୟରୁ କଂଗ୍ରେସ ମୁଖପାତ୍ରଙ୍କୁ ଉଠାଇ ନେଲା ପୋଲିସ । ଜମ୍ମୁ-କାଶ୍ମୀର କଂଗ୍ରେସ ମୁଖପାତ୍ର ରବିନ୍ଦ୍ର ଶର୍ମାକୁ ପୋଲିସ ନିଜ ହେପାଜତକୁ ନେଇଛି । ସେ ଜମ୍ମୁ-କାଶ୍ମୀରର ଶହୀଦ ଚୌକ ସ୍ଥିତ ଦଳୀୟ କାର୍ଯ୍ୟାଳୟରେ ଏକ ସାମ୍ବାଦିକ ସମ୍ମିଳନୀ କରୁଥିଲେ । ତେବେ ତାଙ୍କୁ ସମ୍ମିଳନୀ ମଧ୍ୟରୁ ପୋଲିସ ଉଠାଇ ନେଇଥିବା ଜଣା ପଡିଛି । ରବିନ୍ଦ୍ର ଶର୍ମାଙ୍କ ବ୍ୟତିତ ନୀରଜ ଗୁପ୍ତା ନାମକ ଅନ୍ୟ ଜଣେ ନେତାଙ୍କୁ ମଧ୍ୟ ପୋଲିସ ହେପାଜତକୁ ନେଇଛି ।
ଭିଡିଓ ସୌଜନ୍ୟ: ଇଟିଭି ଭାରତ
ଜମ୍ମୁ-କାଶ୍ମୀରରେ ଧାରା 370 ଉଚ୍ଛେଦ ପରଠାରୁ ସେଠାରେ କର୍ଫ୍ୟୁ ବଳବତ୍ତର ରହିଛି । ଏହା ସହିତ ବିରୋଧୀ ଦଳର ଅନେକ ବଡ ବଡ ନେତାଙ୍କୁ ପୋଲିସ ହେପାଜତରେ ରଖିବା ସହ ଅଧିକାଂଶଙ୍କୁ ଗୃହବନ୍ଦୀ କରି ରଖାଯାଇଛି । କାଶ୍ମୀର ଘାଟିରେ ଶାନ୍ତି ବଜାୟ ରଖିବାକୁ ସରକାର ଏଭଳି ପଦକ୍ଷେପ ନେଇଥିବା ଜଣା ପଡିଛି ।
