ଅମରାବତୀ: ଆଉ କିଛି ସମୟ ପରେ ଆନ୍ଧ୍ର ପ୍ରଦେଶ ସରକାରର କ୍ୟାବିନେଟ ବୈଠକ ବସିବାକୁ ଯାଉଛି । ଏହି କ୍ୟାବିନେଟ ବୈଠକରେ 3ଟି ରାଜଧାନୀ ଫର୍ମୁଲା ଉପରେ ମୋହର ଲାଗିବା ନେଇ ସମ୍ଭାବନା ରହିଛି । ଜଗନ ରେଡ୍ଡୀ ସରକାରଙ୍କ ଏହି ନିଷ୍ପତ୍ତି ଉପରେ ଅମରାବତୀରେ ପ୍ରବଳ ବିରୋଧ ପ୍ରଦର୍ଶନ ଜାରି ରହିଛି ।
3 ରାଜଧାନୀ ଫର୍ମୁଲାକୁ ନେଇ ବିପକ୍ଷ ମଧ୍ୟ ରାସ୍ତାକୁ ଓହ୍ଲାଇ ବିରୋଧ ପ୍ରଦର୍ଶନ କରୁଛନ୍ତି । ପ୍ରଦର୍ଶନକୁ ଦୃଷ୍ଟିରେ ରଖି ଅମରବତୀରେ ଧାରା 144 ଲାଗୁ କରିଦିଆଯାଇଛି । ଏହାସହ ରାଜଧାନୀରେ ସୁରକ୍ଷାକର୍ମୀ ନିୟୋଜିତ ହୋଇଛନ୍ତି । ଆନ୍ଧ୍ର ପ୍ରଦେଶ ସରକାରଙ୍କ କ୍ୟାବିନେଟ ବୈଠକ ବିଶାଖାପଟନମରେ ହେବ ।
ଆନ୍ଧ୍ର ପ୍ରଦେଶ ସରକାରଙ୍କ କ୍ୟାବିନେଟ ବୈଠକ ପୂର୍ବରୁ ବହୁ ଟିଡିପି ନେତାଙ୍କୁ ପୋଲିସ ଉଠାଇ ନେଇଛି । ସେହିପରି କିଛି ନେତାଙ୍କୁ ନଜରବନ୍ଦୀ କରି ରଖାଯାଇଛି । ଏହାକୁ ନେଇ ବିରୋଧୀ ହୋହାଲ୍ଲା କରିବାରେ ଲାଗିଛନ୍ତି ।
