ନୂଆଦିଲ୍ଲୀ: INX ମିଡିଆ ମାମଲାର ଯାଞ୍ଚ ଅଧିକାରୀ ରାକେଶ ଆହୁଜାଙ୍କ ବଦଳି । ରାକେଶଙ୍କୁ ଦିଲ୍ଲୀ ପୋଲିସକୁ ପୁଣି ଥରେ ବଦଳି କରାଯାଇଛି ।
ଇଡିରେ ରାକେଶ ଆହୁଜାଙ୍କ କାର୍ଯ୍ୟକାଳ 3 ସପ୍ତାହ ପୂର୍ବରୁ ସରିଥିବା ନେଇ ପ୍ରବର୍ତ୍ତନ ନିର୍ଦ୍ଦେଶାଳୟ ସ୍ପଷ୍ଟ କରିଛି । ରାକେଶ ଇଡିରେ ସହାୟକ ନିର୍ଦ୍ଦେଶକ ଭାବେ କାର୍ଯ୍ୟରତ ଥିଲେ ।
INX ମିଡିଆ ମାମଲାରେ ସିବିଆଇ ଦ୍ବାରା ବରିଷ୍ଠ କଂଗ୍ରେସ ନେତା ତଥା ପୂର୍ବ ଅର୍ଥମନ୍ତ୍ରୀ ପି. ଚିଦାମ୍ବରମ ଗିରଫ ହେବା ପରେ ପ୍ରବର୍ତ୍ତନ ନିର୍ଦ୍ଦେଶାଳୟ ମଧ୍ୟ ଚିଦାମ୍ବରମଙ୍କୁ ଜେରା କରିବା ନେଇ ଜଣା ପଡିଛି । ତେବେ ବର୍ତ୍ତମାନ ରାକେଶ ଆହୁଜାଙ୍କ ବଦଳି ପରେ ନୂଆ ଯାଞ୍ଚ ଅଧିକାରୀ ଏହି ମାମଲାର ଯାଞ୍ଚ କରିବେ ।
