ନୂଆଦିଲ୍ଲୀ: ବ୍ୟାପକ ଭାବେ କାୟା ମେଲାଇ ଚାଲିଛି କୋଭିଡ୍ ସଂକ୍ରମଣ। ବହୁତ ସଂଖ୍ୟକ ସଂକ୍ରମିତଙ୍କ ପରୀକ୍ଷା କରିବାକୁ ସରକାରଙ୍କ ପକ୍ଷରୁ ଆରମ୍ଭ ହୋଇଛି କସରତ। ତେବେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ହର୍ଷ ବର୍ଦ୍ଧନ କୋରୋନା ଆକ୍ରାନ୍ତଙ୍କ ପରୀକ୍ଷା ପାଇଁ ଗୁରୁବାର ଭାରତର ପ୍ରଥମ ମୋବାଇଲ୍ ଲାବୋରେଟୋରୀ ଆରମ୍ଭ କରିଛନ୍ତି।
ମୋଦି ସରକାରଙ୍କ ଆତ୍ମ ନିର୍ଭର ଯୋଜନା ଅଭିଯାନ ଅଧୀନରେ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ ଏବଂ ଆନ୍ଧ୍ରପ୍ରଦେଶ ମେଡ-ଟେକ୍ ଜୋନ୍ ସହଯୋଗ କରିଛି। ଭାରତରେ ଗୁରୁତ୍ବପୂର୍ଣ୍ଣ ସ୍ୱାସ୍ଥ୍ୟସେବା ପ୍ରଯୁକ୍ତିର ଅଭାବକୁ ଦୂର କରି ଆତ୍ମନିର୍ଭରଶୀଳତାର ପର୍ଯ୍ୟାୟ ଆଡକୁ ଗତି କରିଛନ୍ତି।
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ କହିଛନ୍ତି ଯେ ଦୂର ଦୂରାନ୍ତରେ ପରୀକ୍ଷା ସୁବିଧା ସୁନିଶ୍ଚିତ କରିବା ପାଇଁ ମୋବାଇଲ୍ ଲାବୋରେଟୋରୀ ଆରମ୍ଭ ହୋଇଛି। ଯାହା ଦ୍ବାରା ଠିକ୍ ସମୟରେ ଦେଶର ଭିତର, ଅପହଞ୍ଚ ଅଞ୍ଚଳରେ ଏପରି ଉଦ୍ଭାବନ ବିକଶିତ ହୋଇଛି।
ଏହି ଲ୍ୟାବ୍ ପରିସର ବିଷୟରେ ବର୍ଣ୍ଣନା କରି ବର୍ଦ୍ଧନ କହିଛନ୍ତି, "ଏଥିରେ ପ୍ରତିଦିନ 25 ଟି ଆଟି ପିସିଆର ପରୀକ୍ଷା, ଦିନକୁ 300 ଏଲିସା ପରୀକ୍ଷା ଏବଂ ସିଜିଏଚଏସ ହାର ଅନୁଯାୟୀ ଟିବି, ଏଚ୍.ଆଇ.ଭି ପାଇଁ ଅତିରିକ୍ତ ପରୀକ୍ଷା କରିବାର କ୍ଷମତା ରହିଛି।"
ଫେବୃଆରୀରେ ଗୋଟିଏ ଲାବୋରେଟୋରୀ ଥିବା ବେଳେ ଏବେ କୋଭିଡ୍ ବିରୁଦ୍ଧରେ ଲଢିବାକୁ ଆମ ଦେଶରେ 953 ଟି ଲାବୋରେଟୋରୀ ଅଛି। ଏହି 953 ଟି ମଧ୍ୟରୁ ପ୍ରାୟ 699 ଟି ସରକାରୀ ଲ୍ୟାବ ଅଟେ। ସଂକ୍ରାମକ ରୋଗ ଡାଇଗ୍ନୋଷ୍ଟିକ୍ ଲ୍ୟାବ୍ (I-LAB) ବାୟୋଟେକ୍ନୋଲୋଜି ବିଭାଗ, ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା ବିଭାଗ ଦ୍ୱାରା କୋଭିଡ୍ ନିର୍ଦ୍ଦେଶନା ଶୌଳ ଅଧୀନରେ ସମର୍ଥିତ।
