ନୂଆଦିଲ୍ଲୀ: ଦେଶବ୍ୟାପୀ ଲକଡାଉନ ଯୋଗୁଁ ବନ୍ଦ ରହିଛି ସମସ୍ତ ଏୟାର ଲାଇନ । ଏଥିପାଇଁ ସମସ୍ତ ଅନ୍ତରାଷ୍ଟ୍ରୀୟ ଓ ଘରୋଇ ବିମାନ ସେବା ବନ୍ଦ ରହିଛି । ତେବେ ଏତିକି ବେଳେ ଏୟାର ଲାଇନ ଗୁଡିକର ଚାଲିଛି ଟ୍ବିଟ ୱାର । ନିଜ ନିଜର ମଜାକ ଉଡାଉଛନ୍ତି ଏୟାର ଲାଇନ । ଆଉ ଯାହାର ଖୁବ ମଜା ନେଉଛନ୍ତି ୟୁଜର୍ସ ।
ଏୟାର ଲାଇନ ଗୁଡିକର କଥାବାର୍ତ୍ତା କିଛି ଏପରି ଥିଲା....
ଶୁକ୍ରବାର ସକାଳେ ଇଣ୍ଡିଗୋ, ଭିସ୍ତାରା ଏୟାର ଲାଇନକୁ ଟ୍ୟାଗ କରି ଟ୍ବିଟ କରିଥିଲା ଯେ ହେ ଏୟାର ଭାସ୍ତାରା ଆମେ ଶୁଣିବାକୁ ପାଇଲୁ ତମେ ଏବେ ଆଉ ଆକାଶରେ ଉଡୁନ ।
ଏହାପରେ ଭିସ୍ତାରା ଏହାର ଜବାବରେ କହିଥିଲା, ଆଜିକାଲି ଭୁପୃଷ୍ଠରେ ରହିବା ଏକ ଅଦ୍ଭୁତ ଅନୁଭବ । ଏହାପରେ ଭିସ୍ତାରା ଗୋ ଏୟାରକୁ ଟ୍ୟାଗ କରି ଏକ ଟ୍ବିଟ କରିଥିଲା । ଯେ ଏବେ ଉଡିବା ସ୍ମାର୍ଟ ଚୟସ ହେବ ନାହିଁ , କଣ କହୁଛ । ଆଉ ଗୋ ଏୟାର ଉତ୍ତରରେ କହିଥିଲା ଘରେ ରହିବା ଏକ ଅନୁଭବ ।
ତେବେ ଏହିପରି ଗୋଟିଏ ପରେ ଗୋଟିଏ ଟ୍ବିଟ ଜାରି ରହିଥିଲା । ଗୋ ଏୟାର, ଏୟାର ଇଣ୍ଡିଆର ଟ୍ୟାଗ ଲାଇନକୁ ବ୍ୟବହାର କରି ତାକୁ ଟ୍ୟାଗ କରି କହିଥିଲା ଯେ, ଏବେ ଏୟାର ଇଣ୍ଡିଆ ତମେ କହି ପାରିବ ନାହିଁ ଯେ, ନାଓ ଏଭ୍ରିୱାନ କ୍ୟାନ ଫ୍ଲାଏ । ଅର୍ଥାତ ଏବେ ସବୁ ଉଡିପାରିବା । ସ୍ପାଇସ ଜେଟ, ଏୟାର ଏସିଆ ଭଳି ସମସ୍ତ ଏୟାର ଲାଇନ ଏହିପରି କତପୋକଥନ କରିଥିଲେ । ଯାହାର ଖୁବ ମଜା ନେଇଥିଲେ ୟୁଜର । ଆଉ ଅନେକ ଏପରି କମେଣ୍ଟ ଦେଇଥିଲେ ଯେ ଦିନର ଆରମ୍ଭ ଏପରି ହେବା ଦରକାର ।
